Монгол Улсын Ерөнхийлөгч Х.Баттулга АНУ-ын Ерөнхийлөгч Д.Трампад захидал бичсэн тухай Монголын анхны мэдээллийн сайт sonin.mn 2018 оны 2-р сарын 26-нд мэдээлж байсан билээ. 

Тэгвэл уг мэдээллийг Ерөнхийлөгчийн Тамгын Газрын дарга З.Энхболд албан ёсоор баталж, : " Ерөнхийлөгч Х.Баттулга АНУ-ын Ерөнхийлөгч Д.Трампад захиа бичиж хоёр зүйл дээр туслалцаа хүссэн. 1-рт Монголд үйлдвэрлэсэн оёмол сүлжмэл бүтээгдэхүүнийг АНУ руу татваргүй квотгүй оруулах, 2-рт Монголоос хууль зөрчиж гадагшаа гаргасан офшор дансны мөнгө, үл хөдлөх хөрөнгийг буцааж авчрахад туслалцаа хүссэн." хэмээжээ.

Одоо АНУ-ын Ерөнхийлөгч Д.Трамп Монгол Улсын Ерөнхийлөгч Х.Баттулгын хүсэлтэнд ямар хариу өгөхийг хүлээх л үлдлээ.

М.Чойжал

sonin.mn