Индонез улсын Жакарта Палембан хотноо эхэлж буй Азийн XVII наадам есдүгээр сарын 2 хүртэл үргэлжлэх билээ. Тус наадамд Ази тивийн 45 орон оролцон спортын олон төрлөөр авхаалж самбаа сорин өрсөлдөх юм.

Энэ арга хэмжээнд Монгол Улсын баг нь спортын 30 төрөлд 269 тамирчин, 128 дасгалжуулагч, албаны хүн, нийт 397 хүний бүрэлдэхүүнтэй оролцохоор бэлтгэл сургуулилтаа хийж байгаа юм.



Азийн орнуудын тэмцээнд эх орноо төлөөлөх тамирчдын өмсөх хувцас цахим ертөнцөд нэлээд шүүмжлэл дагуулах болжээ. Шигшээ багийн өмсгөлөө гардан авсан зарим тамирчид олон нийтийн сүлжээнд хувцасны зургаа байршуулсан нь ийн олон хүний анхааралд өртөх шалтгаан болсон байна.  Олон нийтийн сүлжээнд “Загвар муутай болхи харагдаж байна. Захын хүн оёчих энэ хувцсанд хэчнээн төгрөг зарцуулсан бол. Хувцас биш нэмнээ юм байна. Ичихгүй ийм хувцас оёж өгчихөөд амжилт нэхнэ дээ. Ийм хувцас өмсч орж байхаад монгол дээлээрээ гоёод орчихмоор байна” зэрэг сөрөг сэтгэгдэлүүд хөвөрсөөр байгаа аж.