1994 оноос хойш Монгол Улсаас гадны бусад улс орон руу цагаачилсан 100 гаруй мянган иргэн байдаг ажээ.   Өөрөөр хэлбэл Монгол улсын иргэн  хоёр улсын иргэншилтэй байхыг  хуулиараа хориглосон тул  гадаадын иргэн болох бол заавал Монголын  иргэншилээс татгалздаг байна.   

Тэгвэл өнгөрсөн  хугацаанд Монгол улсын  100 000 гаруй хүн  Монгол улсын иргэншлээс татгалзаж, аль нэг улсын иргэн болжээ.  Тэгвэл өнгөрсөн   хугацаанд тэдгээрээс 1872 иргэн Монгол Улсын иргэншлээ сэргээжээ.

1994 онд Гадаадын иргэний харъяатын алба үүсгэн байгуулагджээ.  Чухам энэ үеэс  Монголчууд гадаадын иргэн болж эхэлсэн байх юм. Монголчууд ихэвчлэн Америк, Канад, Герман, Франц зэрэг евро бүсийн орнууд руу манай улсын иргэд цагаачилж, тус улсын иргэн болсон байх юм.  Харин цөөн тохиолдолд Япон, Солонгос зэрэг Азийн улс орны иргэнтэй гэр бүл болж иргэншлээ сольсон байна.  

2011-2013 оны хугацаанд Монгол Улсын иргэншлээ эргүүлэн сэргээх хандлага нэмэгдэх төлөвтэй байна. 2001 оноос хойш 1872 иргэн Монгол улсын иргэншлээ сэргээсний 1866 нь Казахстан улсын иргэн Монгол Улсаас иргэншлэл хүссэнийг хүлээн авсан байдаг байна. Үлдсэн зургаан иргэний хувьд гурав нь солонгос улсын иргэнтэй гэр бүл болж, Монгол Улсын иргэншлээсээ татгалзснаа, эргүүлэн сэргээжээ. Мөн гурван иргэн Монгол Улсын иргэншлээс татгалзаж, Оросын холбооны улсаас иргэншлэл хүссэн ч тус улс иргэнээ болгох хүсэлтээс нь татгалзсан тул эргүүлэн Монгол Улсын иргэншлээ сэргээсэн байна.

Дашрамд сонирхуулахад, Америкийн нэгдсэн улсын NBA –ийн нэгэн тоглогч Монгол Улсаас иргэншил хүсээд байгаа ажээ. Гэвч Монгол Улсад мөрдөгдөж байгаа хуулинд зааснаар тухайн иргэн нь Монгол Улсад таваас дээш жил амьдарсан, тодорхой хуримтлалтай байх зэрэг шаардлагаас үүдэн түүний хүсэлтийг хүлээн авах боломжгүй байгаа юм байна.

А.Баярмаа