Улаанбаатар хотод нийт 63 сургууль үдийн цай хөтөлбөртөө сүүн, сүүн бүтээгдэхүүн хэрэглэхгүй байна гэсэн мэдээлэл өчигдөр гарсан билээ.

ЕБС-ийн 1-5 дугаар ангийн 400 мянга орчим сурагчдад жил бүр 32 тэрбум төгрөгөөр “Үдийн цайны үйчилгээ хүргэдэг.
 
Гэвч энэ хэмжээний мөнгөөр хүүхдийн авах ёстой илчлэг, шим тэжээлийг нөхөж чадахгүй байна. Тиймээс нэг хүүхдэд ноогдох үдийн цайны зардал 600 төгрөг байсныг ирэх онд 1200 төгрөг болгон нэмэх саналыг БСШУЯ-наас Сангийн яаманд хүргүүлжээ.
 
Хүүхэд үдийн цайнаас авах илчлэгийн хэмжээ нь хоногийн авах ёстой илчлэгийн 15 хувьтай тэнцэх ёстой.

Гэвч хоол үйлдвэрлэгчид 600 төгрөгт багтаан илчлэгээ хангахын тулд нүүрс ус ихтэй бүтээгдэхүүн үдийн цайнд өгдөг нь судалгаагаар тогтоожээ. Тиймээс нүүрс усны оронд уураг ихтэй буюу сүү ,сүүн бүтээгдэхүүнтэй үдийн цай өгдөг болохоор зорьж байгаа юм. Мөн үдийн цай нийлүүлэх аж ахуйн нэгжийг тухайн сургуулийн удирдлага өөрөө сонгох эрхтэй болжээ.