Аймаг, дүүргийн Засаг даргын албыг хашиж байгаад УИХ-ын сонгуульд тойрогт нэр дэвшин өрсөлдсөн долоон эрэгтэйгээр шинэ парламент бүл нэмлээ.

Энэ удаагийн сонгуульд нийт 9 Засаг дарга нар нэр дэвшсэн юм. Үүний хоёр нь эмэгтэй бөгөөд хоёул ижил нэртэй. Уг эмэгтэй гишүүдийн талаарх мэдээллийг энд дарж унших боломжтой. Ингээд Засаг даргын суудлаас УИХ руу дэвшсэн тэдний намтар, ажлын туршлагатай танилцана уу.

ГОВЬ-АЛТАЙ АЙМГИЙН ЗАСАГ ДАРГА О.АМГАЛАНБААТАР 

Тэрбээр Ардчилсан Намаас 2-р тойрогт нэр дэвшсэн эрх баригч намынхантай өрсөлдсөн. Түүний Засаг даргаар ажиллах хугацаандаа хийсэн хамгийн том ажил нь магадгүй "Алтайн залуус" чуулга уулзалт байх. Хоёр жил дараалан зохион байгуулсан энэхүү чуулга уулзалт нь Говь-Алтай аймгийн гэр бүлгүй залуучуудыг танилцуулах зорилготой. Уг чуулга уулзалтын талаар анх сонссон олон нийт түүнийг хийх ажлаа олж ядсан хэмээн шүүмжилж байсан удаатай. 

Ажлын туршлага

• 2006-2008: Бургастай гаалийн хорооны гаалийн улсын байцаагч
• 2008-2009: Эрдэнэт гаалийн хорооны гаалийн улсын байцаагч
• 2009-2012: Гашуун сухайт гаалийн хорооны гаалийн улсын байцаагч
• 2014-2016: Говь-Алтай аймгийн Засаг дарга
• 2020 Говь-Алтай аймгийн Засаг дарга

СОНГИНОХАЙРХАН ДҮҮРГИЙН ЗАСАГ ДАРГА Н.АЛТАНШАГАЙ

Намын анхан шатны байгууллагаас эхлэн дүүргийн Засаг дарга хүртэл ажилласан тэрбээр анх удаа УИХ-д нэрээ дэвшүүлж парламентын гишүүнээр сонгогдож чадлаа. Тэрбээр Архангай аймагт төржээ.

Боловсрол

• 1992-2020 онд Архангай аймгийн Хүмүүн цогцолбор сургууль /БҮРЭН ДУНД/
• 2013-2017 онд “Улаанбаатар Эрдэм” их сургууль  /БАКАЛАВР/
• 2017-2019 онд Удирдлагын академийг Төрийн удирдлага
• 2018-2020 онд МУИС-ийг  Улс төр судлал /МАГИСТР/
• 2017-2018 онд Сонгинохайрхан дүүргийн Засаг даргын орлогч

ЧИНГЭЛТЭЙ ДҮҮРГИЙН ЗАСАГ ДАРГА Н.БАТСҮМБЭРЭЛ

МАН-ын хамгийн бага нэгжээс ажлын гараагаа эхэлж байсан тэрбээр шат ахисаар парламентын гишүүн боллоо. 

Боловсрол:

• Баянхонгор аймгийн төвийн II дунд сургууль,
• МУБИС- ийг Түүх-Нийгмийн Ухааны багш бакалавар
• 2006 онд, Боловсролын удирдлагын магистр
• 2008 онд -Улс төрийн ухааны докторант

Ажлын туршлага

• Нийслэлийн МАН-ын хороонд улс төрийн ажилтан 2006-2007,
• Монгол улсын Ерөнхийлөгчийн тамгын газарт референт 2007,
• Нийслэлийн МАН-ын хороонд улс төрийн ажилтан 2007-2010,
• НАМОХ-ны Ерөнхий нарийн бичгийн дарга 2010-2011,
• МҮХАҮТ-д хэлтсийн дарга 2011-2012,
• МАН-ын Ерөнхий нарийн бичгийн даргын зөвлөх 2012,02-2012,10,
• Чингэлтэй дүүргийн засаг даргын орлогч 2012-2013,
• МАН-ын улс төрийн бодлогын ахлах ажилтан 2013-2016,
• Монгол наадам цогцолбор ОНӨТҮГ-ын дарга 2016 оноос,
• Чингэлтэй дүүргийн иргэдийн төлөөлөгчдийн хурлын төлөөлөгч тэргүүлэгч 2008-2012,
• Нийслэлийн иргэдийн төлөөлөгчдийн хурлын төлөөлөгч 2016 оноос

ХАН-УУЛ ДҮҮРГИЙН ЗАСАГ ДАРГА ЖУКОВЫН АЛДАРЖАВХЛАН 

Тэрбээр сонгуульд хоёр дахь удаагаа намаасаа нэр дэвшсэн. Харин энэ удаад ялалт байгуулж УИХ-ын гишүүн боллоо.

Боловсрол

• 1985-1995 онд Нийслэлийн 50-р дунд сургууль
• 1995-2000 онд МБДС
• 1997-1998 онд Австрали улс, Сидней хотын англи хэлний институт
• 2003-2005 онд Монгол Улсын Их сургуулийн Эдийн засгийн дээд сургууль, Санхүүгийн магистр

Ажлын туршлага

• 2001-2006 онд УИХ-ын Тамгын газар, Төсвийн байнгын хорооны зохион байгуулагч, референт
• 2006-2008 онд Сангийн яаманд зөвлөх
• 2008 - 2012 онд "Орон сууцны санхүүжилтийн корпораци"-ийн гүйцэтгэх захирал
• 2015-2016  онд "Үнэт цаасны төлбөр тооцоо, төвлөрсөн хадгаламжийн төв" ТӨХК-ийн гүйцэтгэх захирал
• 2016 оноос  Хан-Уул дүүргийн Засаг дарга
• 2020 оноос Нийслэлийн ИТХ-ын Тэргүүлэгч, Дүүргийн ИТХ-ын Төлөөлөгч, Засаг дарга

ӨМНӨГОВЬ АЙМГИЙН ЗАСАГ ДАРГА Р.СЭДДОРЖ

Нүүрсний хулгайн гэх хэрэгт нэр холбогдож байсан ч УИХ-ын гишүүнээр сонсгогдлоо.

Боловсрол

• 1987-1997 онд Өмнөговь аймаг 10 жилийн 1-р дунд сургууль
• 1997-2002 онд Улаанбаатар хот, Хан-уул дээд сургууль бизнесийн эдийн засаг, хэрэглээний математикч
• 2002-2006 онд "Ажнай" корпорацийн маркетингийн албаны дарга
• 2004-2007 онд УИХ-ын гишүүний бие төлөөлөгч, туслах
• 2006-2008 онд Удирдлагын академи Нийгмийн ухааны магистр

Ажлын туршлага

• 2007 оноос Өмнөговь аймаг Цогт-овоо сумын нутгийн зөвлөлийн дарга
• 2008 оноос JCI байгууллагын гишүүн /ОУ-н залуучуудын АҮ-ийн танхим/
• 2007-2009 онд МҮБХ-ны Аймаг цэргийн цолтой болон залуу бөхчүүдийн зөвлөлийн ахлагч
• 2009 он МУШУТИС, Уул уурхайн сургууль докторант
• 2009-2010 онд "Тавантолгой" ХК-д Санхүү хангамж хариуцсан дэд захирал
• 2010-2012 онд АНУ-ын Канзасын их сургууль
• 2012 оноос УИХ-ын гишүүний зөвлөх
• 2013 оноос одоог хүртэл "Тавантолгой" ХК-нд Гүйцэтгэх захирал
• 2020 оноос Омнөговь аймгийн засаг дарга

ДУНДГОВЬ АЙМГИЙН ЗАСАГ ДАРГА Ц.МӨНХБАТ

Говийн бүс буюу УИХ-ын сонгуулийн 7-р тойрогт Ардчилсан Намаас нэр дэвшигчид олонх долоон мандатыг тавыг нь авсан. Тэдний нэг болох Ц.Мөнхбат Засаг даргаас УИХ руу дэвшин Засаг дарга нарын цувааг үргэлжлүүлсэн юм. Харин тэр бусдад хууль бусаар газар олгосон гэх хэрэгт холбогдож хуулийн байгууллагад шалгуулж буй. 

Боловсрол:

• Комюьютерийн програм хангамжийн инженер мэргэжилтэй,
• Удирдлагын академийг Төрийн удирдлагын магистр зэрэгтэй төгссөн

Ажлын туршлага

• 2001-2003 онд "Ньюфийл" ХХК-д инженер
• 2003-2005 онд "КЭПСА" ХХК-д захирал
• 2007-2012 онд  "Сатилайт Повер" ХХК-д ерөнхий захирал
• 2012-2014 онд Барилга, хот байгуулалтын Сайдын зөвлөх
• 2017-2020 онд УИХ-ын гишүүний бие төлөөлөгч
• 2020 оноос  Дундговь аймгийн Засаг даргаар тус тус томилогдон ажиллаж байна.

ДОРНОД АЙМГИЙН ЗАСАГ ДАРГА М.БАДАМСҮРЭН

УИХ-ын гишүүн, Хүнс, хөдөө аж ахуй, хөнгөн үйлдвэрийн сайд Х.Болорчулууны оронд нэр дэвших эрх авч чадсан тэрбээр 2015 оноос хойш аймгийнхаа Засаг даргын албыг хашжээ. 

Боловсрол

• Нефть ба хийн хадгалалт тээвэрлэлт, Төрийн захиргааны менежер мэргэжилтэй.

Ажлын туршлага

• 2009-2012 онд аймгийн Монгол Ардын Хувьсгалт намын хорооны дэд дарга
• 2012-2014 онд Монгол Ардын Хувьсгалт намын хорооны дарга
• 2014-2015 онд Дорнод аймгийн Засаг даргын орлогч
• 2015 оноос одоог хүртэл Дорнод аймгийн Засаг даргаар ажиллаж байна.