РCR шинжилгээгээр 2,076 хүн халдвар авсан нь батлагдаж, 16 иргэн энджээ
2021/10/15
Улсын хэмжээнд сүүлийн 24 цагийн хугацаанд 2,076 хүн коронавирусийн халдвараар өвчилсөн нь PCR шинжилгээгээр батлагджээ. Ингэснээр нийт бүртгэгдсэн тохиолдол 334,865 болж нэмэгдэв.
Эрүүл мэндийн яамнаас өдөр бүр зөвхөн PCR шинжилгээгээр эерэг гарсан тохиолдлыг мэдээлж байгаа юм. Харин түргэвчилсэн тестээр эерэг гарсан эсвэл шинж тэмдэг илэрсэн иргэдийг энэ тоонд оруулж тооцохгүй, зөвхөн эмчилгээ хийж байгаа хэмээн тайлбарлаж буй.
Шинээр илэрсэн тохиолдлууд бүгд дотоодын халдвар бөгөөд
- 1,113 нь Улаанбаатар хотод,
- 963 нь орон нутагт бүртгэгдсэн байна.
Мөн хугацаанд 6,085 иргэн эдгэрч, эмнэлгийн болон гэрийн ажиглалтаас гарчээ. Харин коронавируст халдварын улмаас 21-80 гаруй насны 16 хүн нас барсан харамсалтай мэдээлэл байна.
Өнөөдрийн байдлаар COVID-19 халдварын улмаас нийтдээ 1,440 хүн эндээд байна. Талийгаачдын гэр бүл, төрөл төрөгсдөд гүн эмгэнэл илэрхийлье.
Одоогоор коронавируст халдварын улмаас улсын хэмжээнд 19,628 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 56,789 хүн Өрхийн эмчийн хяналт дор гэрээр эмчлүүлж байгаа.
Эмнэлэгт хэвтэн эмчлүүлж буй иргэдийн биеийн байдлыг үнэлбэл:
- Хөнгөн – 10,255
- Хүндэвтэр- 6,804
- Хүнд – 2,206
- Маш хүнд – 363 хүн байна.
хүннү · 2021/10/16
Өрхийн эмнэлгүүдийн эмч нар гэрээр байгаа хүмүүсээ анхаарахгүй байна. Эмийг нь гүйцэд бичихгүй, ер нь анхаарч байгаа юм алга. Ийм байхад үхэл цөөрөхгүй нь ээ. Амьд үлдэх хүмүүсээ, яахаа ч мэдэхгүй алдаж байгаа гэр бүлүүд байгаа. Тэд утсаа авна гэж байхгүй, тиймээс зөвөлгөө авхаар Ковидтой хүмүүс нь эмч дээрээ өөрөө ирж байна. Нөгөө халдвар хамгаалал өнгөрсөн. Ийм байхад “маш хүнд” хүмүүс цөөрөхгүй, өдөр болгон нэмэгдэнэ. Салбар нь доод түвшиндээ ийм байхад Сайд нь яадаг юм бол доо… харж л байхаас.
Зочин · 2021/10/16
Өдөрт 16хүн үхэж байна өдөр бүр шүүдээ тэгвэл цөөхөн монголчуудад хэд хоног хэрэгтэй вэ? ЭМЯ -ны САЙД АА