Тавантолгойн ордод хөрөнгө оруулагчийг сонгох, хөгжүүлэх гэрээний төслийг Засгийн газар УИХ-д өргөн барьсан билээ. Үүнтэй холбоотойгоор УИХ Таван толгойн нүүрсний ордыг хөгжүүлэх талаар авах арга хэмжээний тухай” Улсын Их Хурлын тогтоолын төслийг хэлэлцэх эсэх асуудлаар ажлын хэсэг байгуулан, УИХ-ын гишүүн Л.Эрдэнэчимэгээр ахлуулан ажиллаж эхэлсэн ч хэзээ УИХ-аар хэлэлцэх нь тодорхойгүй байсан юм.


Тэгвэл УИХ-аар Тавантолгойн асуудлыг хэлэлцэж эхэллээ. Өнөөдөр Таван толгойн нүүрсний ордыг хөгжүүлэх талаар авах арга хэмжээний тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Эдийн засгийн байнгын хорооны ажлын хэсгийн хуралдаан 14.00 цагаас “А” танхимд болох бөгөөд маргааш УИХ-ын Эдийн Засгийн Байнгын хорооны хурлаар хэлэлцэж, улмаар ирэх Баасан гарагаас чуулганы нэгдсэн хуралдаанаар хэлэлцэх юм.
Эх сурвалжуудын хэлж буйгаар эрх баригчид уг төслийн талаарх зөрүүтэй байр сууриа нэгтгэсэн гэх мэдээлэл байна.

П.Энхмандах