Мөрөөдлийн театрын тайзнаас анх жүжигчний гараагаа эхэлж явсан О.Дөлгөөн АНУ-д амьдарч буй. Тэрбээр  долдугаар ангийн сурагч байхдаа монголын хамгийн анхны аймшгийн жанрын "Хана" кинонд тоглож байсан.  Ингээд СУИС-ийн кино драмын ангид суралцаж байх үедээ "Эзэнгүй бөгж", "Амьдралд тавтай морил" олон ангит киноны дүрээрээ олны танил болсон нэгэн. 

Харин жүжигчин бүхний мөрөөдөл болсон УДЭТ-ийн жүжигчин болж отгон Жульеттагаар тодроод удаагүй байхдаа Америкийн Калифорни мужийн Сан Франциско хотод “Academy of Art University” их сургуульд урлагийн чиглэлээр суралцахаар явсан.Хэдийнээ сургуулиа төгсчихсөн ч эх орондоо ирэх болоогүй яваа бололтой. Манго брэндийн нүүр царай болсон гэрэл зургаараа цахим хуудсаа чимдэг О.Дөлгөөн энэ удаад өөрийнхөө хагас нүцгэлсэн рекламны зургаараа чимжээ.