УИХ-ын гишүүн асан, МОНОС группийн захирал Л.Эрдэнэчимэг үргэлж л элдэв шар мэдээний сэдэв болдог нэгэн. Тэрбээр гишүүний ажлаа өгөхөөс өмнө буюу 2016 оны сонгуулийн сурталчилгааны үеэр түүний төрийн ордонд тамхи татан согтууруулах ундаа хэрэглэж байгаа бичлэг ил болж олон хүний бухимдлыг хүргэж байсан билээ. 

Үүнээс өмнө мөн "Бэнз- S500″ маркын авто машинтай болсноо твиттэртээ  оруулж, шинэ машинаа магтан жиргэж цахим хуудсаар нэг хараалгуулаад авсан. Түүнээс хойш  "Бенз" хочтой болсон  УИХ-ын гишүүн Л.Эрдэнэчимэг хатагтай ордонд мини юбка өмсөж ирснээр эрэгтэй гишүүдийнхээ анхаарлыг татаж "sexy girl" хочтой ч болж байжээ. Гэтэл одоо арай өөр хочтой болохыг хүссэн бололтой.

УИХ-ын гишүүн биш болсон “Монос” группийн захирал Л.Эрдэнэчимэг өөрийн твиттер хуудаснаа “Тесла” маркын автомашин худалдан авсан тухайгаа жиргэсэн байна. Тэрбээр, “За, ТЕСЛА авчихлаа. Ногоон дугаартай боллоо. Дугаарын хязгаарлалтгүй, бас 1-р эгнээгээр явна, агаарын бохирдол гаргахгүй. Бэнз аваад бэнз нэртэй болж билээ. Одоо тесла нэр өгөх болов уу?” гэжээ.

Үүний өмнө Л.Эрдэнэчимэг “Бэнз-500” маркын автомашинтай болсон талаараа, “Бенз S500” чинь үнэхээр догь машин юм. Гражинд орохдоо өөрөө замаа сканнердаад орчихдог. Дээрээс нь домакрат байдаггүй ээ. Яагаад гэж асуухад дугуй солих шаардлагагүй” гэсэн жиргээний хамт олон дэлгэсэн нь, багагүй хүмүүсийн шүүмжлэлийг дагуулж байв.