Хэнтий аймгийн .....-p сургуулийн наймдугаар ангийн сурагч О сургууль дээрээ амаржиж, хүүхдээ цонхоор унагаасан ноцтой хэрэг гарчээ.

          Тодруулбал, аравдугаар сарын 19-ны буюу өчигдрийн 16:30 минутын орчимд цагдаагийн байгууллагад “Хүн амаржиж, хүүхдээ хаясан байна” гэх дуудлага иржээ. Дуудлагын дагуу цагдаагийн алба хаагч шалгалтын ажиллагаа явуулахад тус аймгийн Х...... сумын ...-р сургуулийн сурагч 15 настай настай О гэгч нь тус сургуулийн нэг давхрын  ариун цэврийн өрөөнд амаржиж, хүүхдээ цонхоор хаяад зугтжээ.

           Нярай болон эхийн биеийн байдал ямар байгаа талаар Хэнтий аймгийн Нэгдсэн эмнэлгийн дарга Д.Оюунгэрэлээс тодрууллаа. Тэрбээр “Манай эмнэлэгт энэ тухай дуудлага ирсэн нь үнэн. Чухам хэдэн давхрын цонхноос унасан эсэхийг нь мэдэхгүй. Бид дуудлагын дагуу ажиллаж, анхан болон шаардлагатай тусламж үзүүлж, эх, хүүхдийг эмнэлэгт авчирсан байгаа. Хүүгийн биеийн байдал хүнд, Эрчимт эмчилгээний тасагт эмчлүүлж байна. Эхийн биеийн байдал хэвийн байгаа. Хүүхэд бүрэн бойжсон байсан” гэв.