Төв аймгийн Лүн сум Өгөөмөр багийн нутаг дэвсгэрт Хуучин модон гүүр гэдэг газарт гэр бүлийнхээ хамт амарч явсан иргэн Б Туул голд сэлж байгаад живсэн гэх дуудлага, мэдээллийг долдугаар сарын 14-ний өдрийн 15:03 цагт Онцгой байдлын газарт ирүүлжээ.

Дуудлагын дагуу тус аймгийн Онцгой байдлын газрын эрэн хайх, аврах салбар болоод Үндэсний аврах бригадын алба хаагчид завиар гүйцэтгэсэн. Эрэн хайх ажиллагааг долдугаар сарын 18-ны өдрийн 07:00 цагаас эхлүүлэн, өдрийн 13:26 цагт анх осолдсон газраас 40 километрт Бор хөндийн үзүүр гэдэг газраас голын эрэгт хайргадаж тогтсон иргэн Б /21 эрэгтэй/ цогцсыг олж, тус сумын цагдаагийн газарт шилжүүлэн өгч ажиллажээ.