Өмнөговь аймгийн Даланзадгад сумын цагдаагийн байгууллагад "Манай хүүхдийг өвөө нь газар саваад унагаачихлаа” гэсэн мэдээлэл наймдугаар сарын 29-ний 20 цагт ирсэн.

Мэдээллийн дагуу шалгахад тус аймгийн дугаар тоотод суух 49 настай, эрэгтэй Б.Т согтуурсан үедээ өөрийн дагавар хүүгийн хүүхэд болох 1 нас 8 сартай эрэгтэй хүүхдийг газар савж гэмтээсэн байна.

Улмаар дуудлагад очсон жижүүрийн цагдаагийн алба хаагчийн биед халдаж гар хэсэгт хутгаар зүсэж, гэмтээсэн гэх хэргийг тус аймгийн Цагдаагийн газар шалгаж байна. Одоогийн байдлаар хохирогч хүүхэд тус сумын эмнэлгийн сэхээн амьдруулах тасагт хэвтэн эмчлэгдэж байгаа бөгөөд биеийн байдал хүнд, цагдаагийн алба хаагчийн биеийн байдал хэвийн байгаа аж.