Зохиолч, яруу найрагч Р.Эмүжин одоогийн өрнөөд буй улс төрийн нөхцөл байдлын талаар өөрийн санал бодлоо цахим орчинд ийн бичжээ. 

Тэрбээр, За одоо бүүр сайхан ус, тосоороо ялгарна. Төрийн байгуулалтын байнгын хорооны санал буюу Г.Занданшатарыг огцруулахыг дэмжихгүйг дэмжинэ ч билүү, ойлгомжгүй томъёоллоор санал хураасан нь Үндсэн хууль зөрчсөн илт үйлдэл байсан. Мөн өчигдрийн хуралдааны ирцээ хаалгүй, өнөөдрийн хуралдаанд шууд орсон, мөн л Үндсэн хуулийг санаатай болон санаандгүй зөрчсөн. Хамгийн гол нь нүүрсний хулгайн оффтейк нэртэй 33 гэрээг нууцаас гаргасан Ерөнхий сайдтайгаа УИХ дахь Амарбаясгалангийн болжморууд эвлэрч чадсангүй.

Араас нь ногоон автобусны дуулиан, Эрдэнэс Оюутолгойгоос шилжүүлж авсан гэх 20 сая доллар, Шинэ хоршоо, импортын цементийг хэмжээ хязгааргүй оруулж, үндэсний компаниудаа дампууруулах бодлого...Монголыг гадаадад сурталчилж байна гэж Английн хөл бөмбөгийн багт төлсөн 23 000 000 000 төгрөг /23 тэрбум/...өчнөөн их хулгай луйврыг одоо хэн илчлэх вэ.

-Монгол Улс нэг бүлэглэлийн дарангуйлалд асар их удсаныг олж харсан өдрүүд байлаа. -Мөн хулгайн гэмт хэргийг мөрдөж байсан цагдаагаа хулгайч нь аваад унахыг улсаараа харлаа.

-Д.Пүрэвдоржийн хэлснээр том хулгайч нар нь жижгүүдээ худалдаж аваад араасаа жиргүүлэхийг сонслоо.

-Үндсэн хуулийн цэцийг үүд сахисан гөлөг болгохыг үзлээ. Гоё, гоё. Үндсэн хуулийн цэцэд үндэстнээрээ тулж ирлээ...