Дуучин ACOOL буюу Б.Анхбаяр энэ сарын 8-ны орой Төв цэнгэлдэх хүрээлэнд "The HU" хамтлагийн тоглолтын дараа архидан согтуурсан үедээ цагдаагийн алба хаагчтай маргалдан биед нь халдаж, ойролцоох эд зүйлсийг эвдсэн хэмээн цахим орчинд мэдээлэл гараад байсан билээ. 

Тэгвэл энэ талаар цагдаагийн байгууллагаас тодруулахад "Хэрэг бүртгэгдсэн нь үнэн. Дээрх хэргийг Хан-Уул дүүргийн цагдаагийн газарт бүртгэлдэн авч шалгаж байна" гэлээ.