Үндэсний шилдэг үйлдвэр “Талх Чихэр” ХК үүсэн байгуулагдсаны түүхт 30 жилийн ойн хүрээнд Франц улсын "Жинхэнэ багет" талхыг Францын сонгодог технологийн дагуу үйлдвэрлэн “FRENCH BAGUETTE” нэртэйгээр худалдаанд гаргаж эхэлсэн билээ. 

Тус компани хэрэгжүүлж буй инновацийн хөтөлбөрийн хүрээнд 2014 онд Франц улсын “Bongard”, Испани улсын “Ciberpan”, БНЧех улсын “Topos” компаниудтай байгуулсан хөрөнгө оруулалтын гэрээний дагуу багет талх үйлдвэрлэх иж бүрэн тоног төхөөрөмж, технологийг “Талх Чихэр” ХК-ийн инженер, техникийн ажилчид гадны мэргэжилтэнүүдтэй хамтран Талхны үйлдвэртээ суурилуулсан байна.

Ингэснээр Монголд анх удаа жинхэнэ Франц арга барил, технологийн дагуу үйлдвэрлэгдсэн “FRENCH BAGUETTE” талхыг хэрэглэгчид өдөр тутам хэрэглэх боломжтой боллоо.

Монголдоо анхдагч “FRENCH BAGUETTE” брэндийн албан ёсны нээлтийн BRAND OPENING CEREMONY” арга хэмжээ  “Баянгол” ресторанд зохион байгуулагдсан юм.

Энэхүү нээлтийн арга хэмжээнд Франц улсаас Монгол улсад суугаа онц бөгөөд бүрэн эрхт элчин сайд ноён Ив Дэлунэ, “Miss Mongolia 2014” тэмцээний тэргүүн мисс Ж.Балжидмаа зэрэг олон хүндэт зочид хүрэлцэн ирэв.

 -БАГЕТ ГЭЖ ЮУ БЭ? -

Анх 1920 оноос эхлэн хүн төрөлхтөний хүнсний түүхэнд урт, нарийхан саваа хэлбэртэй талх БАГЕТ хэмээх нэртэйгээр үйлдвэрлэгдэж эхэлжээ. Хөвсгөр зөөлөн шажигнасан багет талх эдүгээ хүн төрөлхтөнийг байлдан дагуулсаар байна. 24: Багет талхыг үйлдвэрлэх арга нь сонгодог технологид тооцогддог.

Сонгодог технологи гэдэг нь 24 цагийн турш зуурмагийн исгэлтийг хүйтэн орчинд өөрөөр нь явуулдагт оршино.

Энэхүү технологиор багет талх үйлдвэрлэхийг уламжлалт технологи гэж бас нэрлэдэг. Удаан хугацаанд зуурмагийн исгэлтийг өөрөөр нь явуулснаар багет талхны гойд сайхан амт, өвөрмөц үнэр бий болдог давуу талтай. 45: Багет талхны 45%-ийг ус эзэлдэг. Иймээс чийглэг өндөр, талхны зөөлөн хэсэг нь том нүх бүхий сийрэгжилттэй, илчлэг бага, шингэц сайтай байдаг. 55: Багет талхны 55%-ийг үндсэн түүхий эд болох хөх тариан гурил болон буудайн гурил эүэлдэг. Иймээс багет талханд витамин B, A, E,F болон цинк, магни, кали, медь, маргенц, иод, селен тодорхой хэмжээгээр агуулагддаг тул зохицуулах үйлчилгээтэй хүнс гэж ойлгож болно.

-БАГЕТТАЙ ӨГЛӨӨ БУЮУ БАГЕТ ТАЛХНЫ ХЭРЭГЛЭЭ -

Дэлхийн олон орны хүмүүс /ялангуяа Европчууд/ эртнээс багет талхыг өглөөний цайндаа тогтмол хэрэглэсээр ирсэн түүхтэй. Учир нь Франц багет нь урт нарийхан, алтан шаргал өнгө, шажигнасан амтаараа бусдаас ялгагддаг. Өглөөний цайндаа “FRENCH BAGUETTE” талханд өөрийн дуртай амттан болох жимсний чанамал, зөөхий, шоколадны крем зэргийг түрхэн халуун шоколад болон сүүтэй уухад тохиромжтой. Түүнчлэн “FRENCH BAGUETTE” талхыг ихэвчлэн сэндвич байдлаар гахайн мах, хиам, зайдас, бяслаг зэргийг хавчуулах болон шинэхэн ногоогоор хачирлан иддэг.

Ингээд та бүхэндээ нээлтийн арга хэмжээний гэрэл зургаас хүргэж байна.