Сүүлийн хэдэн өдөр өмгөөлөгч Г. Гүнбилэгийн "Ам нээвэл" нэвтрүүлгийн үеэр ярьсан яриа цахим орчинд нэлээд тарж, ам амжин яригдаж байгаа сэдвийн нэг болоод байгаа билээ. 

МАНАН бүлэглэлийг нураах ард түмний тайван жагсаалын үеэр иргэний нийгмийн байгууллагуудын төлөөлөл Л.Оюун-Эрдэнэ, Ж.Батзандан, Т.Аюурсайхан, Л.Болд, Х.Нямбаатар нарын гишүүдтэй хамт УИХ-ын экс дарга М.Энхболдын албан өрөөнд уулзалт хийсэн. Уулзалтын үеэр иргэний нийгмийн төлөөллөөс М.Энхболд дарга руу хутга барьж дайрсан хэмээн тэрбээр ярьсан .

Энэ талаар өнөөдөр УИХ-ын экс дарга М.Энхболд цахим хуудсаараа дамжуулан "Над руу ухасхийсэн хүний гарт хутга байгаагүй. Харин хамгаалалтын албаныхан хутга хураасан гэж надад танилцуулж байсан. Би тэр үед ордны доторх болон гаднах нөхцөл байдлыг сайн мэдэрч байсан тул энэ асуудлыг дэвэргэх шаардлагагүй гэж хэлсэн" хэмээн тайлбар хийсэн байна.