ЗТХЯ-ны Төрийн захиргаа, удирдлагын газрын дарга асан Б.Махбал нь иргэн Г-гийн амь насыг хөнөөсөн хэргээр 11 жилийн хорих ялаар шийтгэгдсэн билээ. 

Тэрбээр ШШГЕГ-ын харьяа Багануур дахь 427 дугаар хаалттай хорих ангид ял эдэлж байгаад өчигдөр уг дүүргийн Эрүүгийн хэргийн анхан шатны шүүхийн шийдвэрийн дагуу суллагдсан.

Б.Махбал нь 5 жил 1 сар 3 хоногийн хорих ял эдэлж,  шагналын 9 сар 20 хоног, Ерөнхийлөгчийн зарлигаар уучлал үзүүлсэн 1 жил 11 сар 21 хоног гээд бүгд 7 жил 10 сар 14 хоногийн ял эдэлж 3 жил 1 сар 16 хоногийн ял эдлээгүй үлдээд байсан бөгөөд “Гэмт хэргийн улмаас бусдад төлөх өр төлбөргүй, зан байдлаараа нийтэд аюулгүй болсноо нотлон харуулж ял эдлэх хугацаандаа сахилгын ноцтой зөрчил гаргаж байгаагүй, хуульд оногдуулсан ялын зохих хувийг эдэлсэн байх тул" гэсэн үндэслэлээр ийн суллагдаж буй юм байна.

Сонирхолтой нь Монгол Улсын Ерөнхийлөгчийн 2021 оны 6 дугаар сарын 24-ний өдрийн 210 дугаартай зарлигаар Б.Махбалын эдлээгүй үлдсэн хорих ялын 25 хувь буюу 1 жил 11 сар 21 хоногийг уучилсан байдаг. Энэ нь Халтмаагийн Баттулгын бүрэн эрхийн хугацаа дуусахын өмнөх өдөр ажээ