"Ногоон автобус"-тай холбоотой асуудлаар "Тэнүүн-Огоо" компанийн захирал А.Ганхуяг болон  тус компанийн захирал асан Ж.Эрдэнэбат, Нийслэлийн худалдан авах ажиллагааны газрын дарга Б.Түмэнжаргал, Нийслэлийн худалдан авах ажиллагааны газрын Худалдан авах ажиллагааны хэлтсийн мэргэжилтэн Ш.Баярсүх нарын дөрвөн хүнийг хуулийн байгууллагын хамтарсан Ажлын хэсгээс түр саатуулсан.

Тэгвэл тухайн этгээдүүдийг 30 хоног хорьж шалгахаар болжээ.

"Ногоон автобус"-ны гэх хэрэгт сэжигтнээр татагдаад буй дээрх нэр бүхий хүмүүсийг төрийн өмчийн хөрөнгөөр бараа бүтээгдэхүүн худалдан авах ажиллагаанд оролцохдоо ажлын хэсгийн гишүүдэд хууль бусаар нөлөөлөн, өөртөө давуу байдал бий болгосон гэмт хэрэгт хамтран оролцсон байж болзошгүй хэмээн сэжиглэж байгаа аж. Мөн ногоон автобусыг нийлүүлсэн БНСУ-ын "Zyle Daewoo" компанийн ажилчдыг шалгаж эхэлсэн байна.