Дөнгөж саяхныг хүртэл ихэнх эмэгтэйчүүд буурал үснээсээ хэрхэн ангижрах талаар толгойгоо гашилгаж байсан ч өдгөө энэ нь бахархах зүйлийн нэг болжээ. Алдартнууд хийгээд эгэл жирийн хүмүүс цахим ертөнцөд буурал үстэй зургуудаа дуртайяа тавих болсон байна. Олон зууны туршид буурал үс нь хижээл насны шинж тэмдэг байсан ч саяхнаас бас нэгэн моод болж хувирсан аж.  

Кэли Осборн, Николь Ричи, Лэди Гага болон Рианна нар үсээ буурал өнгөөр будаж, гэрэл зургаа олон нийтэд толилуулжээ. Тэр ч бүү хэл, цахим ертөнцөд “эмээгийн үс” хэмээх хэштег бий болсон бөгөөд янз бүрийн мэргэжлийн загвар өмсөгчид, алдартнууд болон эгэл жирийн хүмүүс буурал үстэй сэлфигээ сурталчилж эхэлсэн байна.