АТГ гэдэг байгууллагыг МОНГОЛД ҮҮРЛЭСЭН АВИЛГАЧИДТАЙ ТЭМЦ, ТЭДНИЙГ ХЯНАЖ ШАЛГА хэмээн төрөөс томилсон. Гэтэл тэд уг ажлаа үнэхээр хийгээд байна уу хэмээн асуухаас өөр аргагүй аж. Зарим нэгэн хүмүүс АТГ-ыг эрх мэдэл бүхий хүмүүсийн гар хөл боллоо хэмээн мэдэгдэж байсан ч удаатай.

Тиймээс ч тэд барьж хорьж, хянаж цагддаг байлаа. Гэтэл гэнэт яагаад ОФФШОРЧДЫГ шалгахаас татгалзав гэдэг асуулт эргэлзээ төрүүлэв Үнэхээр тэд хэн нэгэн эрх мэдэлтний тушаалаар хөдөлдөг утсан хүүхэлдэй байсан гэж үү. Тодруулбал: Монголын нэр бүхий 49 иргэн оффшор дансыг шалгуулах хүсэлтийг Эрүүгийн цагдаагийн газрын Эдийн засгийн гэмт хэрэгтэй тэмцэх хэлтэст хүргүүлсэн байдаг. Үүнийг ЭЦГ-аас шалгаж үзээд харъяаллын дагуу АТГ –т өнгөрсөн сарын 20-ны өдөр шилжүүлж шалгуулахаар шийдвэрлэсэн билээ.

Тэгвэл АТГ-аас оффшор данстануудад Эрүүгийн хэрэг үүсгэхээс татгалзах санал гаргаж, прокурорт хүргүүлжээ. Уг шалтгаанаа оффшор данстай нь тогтоогдсон 49 хүнийг бүгдийг нь хамруулан хянан шалгах хүндрэлтэй байсан хэмээн мэдэгдсэн байна. Тиймээс өмгөөлөгч Г.Батбаяр оффшор данстануудад Эрүүгийн хэрэг үүсгэн шалгаж өгөх хүсэлтийг Нийслэлийн Прокурорын газарт гаргахаар болжээ.

АТГ үнэхээр л өөрсдийнхөө хийх ёстой ажлыг мэддэг бол энэ оффшорчдыг намнах байлаа. Гэтэл юунд энэ хэргээс зайгаа авч өдий хүртэл чимээгүй байгаад байна вэ? Түүнчлэн сонгуульд нэр дэвшүүлэхгүй байх тал дээр анхаарахгүй хойрголон сууна вэ? Энэ асуултыг эрхэм АТГ-ынхнаас л асуух үлдлээ. Чухам хэнд үйлчлээд байна аа АТГ АА!!

 

Эх сурвалж: www.bolod.mn

ЧОЙ