Х.Баттулга, У.Хүрэлсүх, Г.Занданшатар нар Оюутолгой дахь "Рио Тинто"-гийн үйл ажиллагааг зогсоохгүй гэдэгт санал нэгджээ
2019/11/21
Энэ оны Арваннэгдүгээр сарын 18-нд Нийслэлийн Захиргааны хэргийн анхан шатны шүүхээс Дубайн гэрээг байгуулахтай холбоотой Ерөнхий сайд асан Ч.Сайханбилэгийн Засгийн газрын дөрвөн захирамжийг хүчингүй болгох шийдвэр гаргаад буй билээ.
“ДМ нэгдэл" ТББ-ын нэхэмжлэлээр Ерөнхий сайд асан Ч.Сайханбилэгийн гаргасан Далд уурхайн бүтээн байгуулалтын санхүүжилтийн төлөвлөгөө буюу Дубайн гэрээтэй холбоотой захирамжуудыг ийнхүү Захиргааны хэргийн шүүхээс хүчингүй болгосноор Монголын улс төрийн орчинд ихээхэн хөдөлгөөн үүсээд байна.
УИХ дахь МАН-ын бүлгийн хаалттай хуралдаанаар Оюутолгойтой холбоотой асуудлыг хэлэлцэж, ямар ч шийдэлд хүрэлгүй маргалдан, тэр бүү хэл УИХ-ын гишүүн Х.Болорчулуун ХЗДХ-ийн сайд Ц.Нямдорж нар барьцалдаж аваад салсан.
Мөн 11 сарын 19-нд Монгол Улсын Засгийн Газрын ээлжит бус хуралдаанаар Оюутолгойтой холбоотой асуудлыг хэлэлцсэн ч мөн л ямар нэгэн шийдвэрт хүрээгүй бөгөөд залгаад Үндэсний Аюулгүй Байдлын зөвлөл үргэлжлэн хуралдсан аж.
Харин ҮАБЗ-ийн гурван гишүүн буюу Монгол Улсын Ерөнхийлөгч Х.Баттулга, Ерөнхий Сайд У.Хүрэлсүх, УИХ-ын дарга Г.Занданшатар нар ямар ч тохиолдолд Оюутолгойн уурхайн төслөөс "Рио Тинто" компанийг гаргаж хөөж болохгүй, уурхайн үйл ажиллагааг ганц өдөр ч зогсоож болохгүй гэдэгт санал нэгдсэн тухай эх сурвалж өгүүлж байна.
Э.Мягмар
sonin.mn
зочин · 2019/11/22
Энэ төсөл бол хэдхэн тооны эрх мэдэлтэй авилгач толгойнуудын өөрсөддөө ашигтайгаар хийсэн дээрэм Энэ төсөл хэнд ашигтай вэ гэвэл тэнд ажиллаж байгаа Өмнө Говийн голдуу 15000н хүн болон төрд нүүрлэсэн авилгач түшмэлүүдэд л ашигтай хэрвээ хаавал эд нарын л эрх ашиг хөндөгдөнө гэсэн үг Нийт монголчуудад бол ашиггүй төсөл болгосон байна Тэгэхээр одоо энэ төслийг маш хурдан зогсоож монгол улс ард түмэнд ашигтай болгож өөрчлөх --болохгүй бол шууд хаах учир нь 2048 он хүртэл ашиг өгөхгүй --нэгэнт ашиггүй өрөнд оруулаад байгаа учраас
matilda · 2019/11/21
Зочин · 2019/11/21
энэ 3н тэжээвэр нохой юугаа мэдхэв дээ эзэдийхээ үгийг л дамжуулж байгаа биз
Зочин · 2019/11/21
Миний хувьд бүрмөсөн зогсоож болохгүй байлгүйдээ. хэрвээ зогсоовол РиоТинто олон улсын арбитрын шүүхэд хандах болно. мэдээж тэнд ялагдвал саарал жагсаалтаас дор юм болно гэж би хувьдаа бодож байна. ОЛон УлсынАрбитрын шүүхэд яаж хандахаа наад РиоТинто сайн мэдэж байгаа шүүдээ. Өмнөх бүх хөрөнгө оруулалтаа олож авах ыг л бодно. Засгийн газар зөв шийдэлд хүрч, гэрээг сайжруулах хэрэгтэй гэж бодном.
зочин · 2019/11/21
зөв шүү дээ поп улс төрчид эдийн засгийг сүйрүүлж хаяна.