Сурч мэдэхийн өтгөн мананд умбаж яваа түүнийг одоо хэр нь ойлгодоггүй олон хүн байдаг ч ойлгож, хүндэлдэг нь ч цөөнгүй. Магадгүй тэр өдийд Монголдоо байсан бол олон, олон өөрчлөлтүүдийг хийж чадах байсан болов уу. Гэхдээ хүн ер нь, олон бэрхшээл зовлонтой таарах тусмаа хатуужиж, гялалзаж байдаг шүү дээ. Түүний нэгээр Юнаг тодотгомоор байна. Оны өмнө (2012.12.14) түүний хоёр насны төрсөн өдөр нь болсон бөгөөд хоёр нас гэдэг нь шинэ амьдралд, шинэ нэрээрээ өөдрөг хөл тавин алхаж буйн илэрхийлэл юм.

 

Нараар гоёогүй тэнгэрийн хормойд

Өдөртөө нэг жиндэж,

Сараар чимээгүй шөнийн сүүдэрт

Хоногтоо хэд бээрсэн ч Амьдрах л сайхан... (Т.Юна) 

 

 

 

-Мэдээж миний хувьд хамгийн онцгой өдөр учраас ач холбогдол өгье гэж боддог. Найзуудтайгаа уулзаж тэмдэглээд өнгөрсөн.

 

 

 

-(инээв) Би яг үнэндээ хүний сэтгэлээсээ өгч байгаа бэлгийг үнэтэй, хямдхан гэж ангилаад сууж байж чадахгүй. Чин сэтгэлээ шингээсэн бэлэг бүхэн л үнэтэй санагддаг.

 

 

 

-Бэрхшээл гэдэг талаас нь харвал гайгүй дээ. Гэвч би өөрөө сэтгүүлч хүн болохоор ч тэр үү, хэл сурах тал дээр их буурь суурьтай ханддаг. Хэдэн үг цээжилчихээд л би ийм хэлээр ярьдаг, тийм хэлээр ч ярьдаг гээд хээвнэг явж байдаг хүмүүсийн өмнөөс ичих шиг болдог. “Англи, нидерландаар төгс ярьдаг болсон биз дээ?” гэж асуух хүмүүс байдаг л даа.

 

Гэхдээ өнөөдөр бид өөрсдийн эх хэлээ ч төгс эзэмшээгүй, түүнийхээ үнэ цэнийг мэддэггүй байж хүний хэлийг төгс сурна гэвэл хол сонсогдож байгаа биз дээ. Миний хувьд тэнцэх ёстой хэлний бүх шалгалтууддаа тэнцсэн. Гэхдээ л өдөр бүр шинэ үг сурч, дүрмийнх нь учрыг ухаж ойлгох гэж ноцолдсон хэвээрээ л байна даа.

 

 

 

-Баярлалаа. Миний нэг өдрийн амьдрал бусдынхтай л адил өнгөрнө дөө. Өглөө босно, үс гэзэг, нүүр амаа янзалсаар хичээлийн цаг болно. Өдрийн гурван цаг хүртэл хичээлтэй, хичээлийн дараа ангийнхантайгаа кофе энэ тэр ууж буу халж суусаар тав, зургаан цаг болчихно. Тэгээд л гэртээ ирж хоол цай...Энэ мэт дээ (инээв). Эндхийн тэнгэр ихэвчлэн бүрхэг, саарал, бороо ихтэй учраас тэнгэр харж цаг баримжаалах хэцүү. Өдөр их хурдан өнгөрч байх шиг санагдаад байдаг юм.

 

 

 

-Хийе гэвэл монгол хоолуудаа сайн хийж чадна. Гэхдээ одоо монгол хоол ерөөсөө иддэггүй шахуу. Би хагас цагаан хоолтон болоод багагүй хугацаа өнгөрсөн. Долоо хоногт 2-3 удаа тахианы мах л хэрэглэдэг. Бусад үед ногоо, жимс их хэрэглэдэг.

 

 

 

-Яг үнэндээ бол айдаг. Элсэн чихэр, чихэр, шоколад гээд л амттанаас ихэвчлэн татгалздаг. Ер нь калори ихтэй хүнс бараг хэрэглэдэггүй дээ. Хүмүүс янз бүрээр л хүлээж авдаг юм. Гэхдээ би туранхай байх дуртай. Би юу хүсч байна, түүнийгээ хийх л амьдралын бас нэг таашаал биз дээ.

 

 

 

-Нэг их эмэгтэйлэг хувцаслаад байх дургүй. Өдөр тутамдаа бол жинс, савхин хүрэмтэй л нөхөрлөнө дөө. Биедээ эвтэйхэн хувцаслах дуртай. Зарим онцгой тохиолдолд мэдээж даашинзаар гоёно. Ер нь ажиглаад байхад европ хүүхнүүд азиуд шиг бүлтийтлээ гоёж гоодоод байдаггүй. Тэр нь нүдэнд дулаахан, чөлөөтэй, тухтай байгаа юм шиг харагддаг.

 

 

 

-Монголоос анх гарахад миний үс халимаг байсан. Хоёр жил гаруй л ургаж байна даа. Үс, арьс арчилгаандаа өөрөөсөө мөнгө харамлая гэж боддоггүй. Аль болох чанартай бүтээгдэхүүн хэрэглэе гэж хичээдэг. Ялангуяа миний арьс их эмзэг учраас яалт ч үгүй их арчилгаа шаарддаг. Ер нь гоё сайхан байна гэдэг маш их тэвчээр, хөдөлмөр шаардсан ойлголт гэж боддог. Хэдий гоо үзэсгэлэнтэй төрсөн байлаа ч түүнийгээ арчилж, тордохгүй бол цэцэг усгүйгээр хатаж, гунддагтай л адилхан шүү дээ. “Тhеге аге no ugly women in the world, just lazy one’s" хэмээн алдарт Коко Шанель хэлсэн байдаг даа.

 

 

 

-”Сhannel Allure”-ын байнгын хэрэглэгч. Үнэр нь их гоё, эмэгтэйлэг. Тэр үнэр нь намайг хувь хүн талаас нь илэрхийлж чадах юм шиг санагддаг.

 

 

 

-Эргэн тойрныхоо бүх зүйлээс л гоё сайхныг мэдрэхийг хүсдэг. Хувь хүнээс өөрөөс нь л хамаардаг байх. Аливаа юмыг гоё сайхан талаас нь харъя гэвэл бидний эргэн тойрон тэр чигээрээ л гоё зүйлсээр дүүрэн байдаг. Муу муухайг нь харъя гэвэл бас л дүүрэн. Тиймээс сэтгэлээрээ ариун байж, аливаа зүйлийн сайн сайхныг хардаг байх нь зөв болов уу гэж боддог доо.

 

 

 

-Бодохгүй байхыг л хичээдэг. Монголоор бага ярьж, Монголын тухай мэдээллээс өөрийгөө холдуулахыг хичээдэг. Энд надад монгол найзууд бараг байдаггүй. Тэр нь ч дээр гэж боддог. Шинэ нийгэмдээ хурдан дасах, шинэ орчин, найз нөхдийн хүрээлэлтэй болох, хэл усыг нь хурдан сурах гээд олон тал дээр тустай.

 

 

 

-Хамгийн дуртай амттан чинь юу вэ гэж асуувал би ааруул гэж хариулна (хэхэ). Гэхдээ байнга хэрэглээд байдаггүй юмаа, жилдээ ганц удаа ч юм уу найз нөхдөөс санаандгүй л ирнэ. Яг зориод илгээмж авъя энэ тэр гэж бодож байгаагүй.

 

 

 

-Мэдээж өвөө, эмээ, ээждээ талархаж амьдардаг. Өвөө, эмээ хоёрыгоо би сэтгэлдээ аав, ээж хоёрыгоо гэж бодож, хайрладаг.

 

 

 

-Өө, дэлгүүр хэсэх дуртай, дуртай. Би дээр хэлсэн, миний яг өөрийн стиль гэвэл tomboy талдаа. Эрэгтэйлэг маягаар хувцаслах нь таатай санагддаг. Гутланд бас их мөнгө зориулдаг байх. Тэр тусмаа том арьсан boot-нүүд үнэхээр таалагддаг.

 

 

 

-Цэцэг бол эндхийн ёс заншил, амьдралынх нь нэг хэсэг. Монголд цэцгийн тариалалт гээд байх зүйлгүй, бүгдийг нь импортоор оруулж ирдэг. Тиймээс үнэ нь өндөр, өөрөөр хэлбэл цэцэг өдөр тутмын амьдралд бараг үүрэг гүйцэтгэдэггүй. Онцгой баяр ёслол, тэмдэглэлт өдрүүдээр л хүмүүс нэгэндээ цэцэг бэлэглэдэг. Гэхдээ энд тийм биш.

 

Цэцэг тариалдаг, ялангуяа тулифаараа дэлхийд алдартай. Гадаад руу экспортолдог. Айлууд гэртээ амьд цэцгийн баглаа байлгаж, түүнийгээ долоо хоног тутамдаа шинэчлэх нь энд онцгой зүйл огт биш. Би хувьдаа цэцгэнд дуртай. Тэр тусмаа нар бага гардаг ийм орчинд амьдарч буй орчиндоо сайхан цэцэгс байлгах нь сэтгэл зүйн талаас зөв санагддаг.

 

 

 

-Гэрээ олохгүй, хажуу гудамжиндаа төөрчих нь энүүхэнд байсан шүү (хэхэхэ). Би жаахан хэнэггүй талдаа болохоор нэг хэсэг л төөрч, будилах асуудалтай явсан даа.

 

 

 

-Газар нутгийн хувьд Недерланд их жижиг улс. Тиймээс бусад хотуудаар аялах нь хүндрэлтэй байдаггүй. Хэд хэдэн хотыг үзсээн. Хотжиж байна, хөгжиж байна гээд түүхээ нурааж сүйтгээд байдаггүй, харин ч түүхnйг тэр чигээр нь хадгалаад үлдсэн сайхан хотуудтай.

 

 

 

-Ер нь моделийн хувиар зураг авалтад оролцох нь зүгээр л хобби юм уу даа. Гадуур явж байхад хүмүүс хүрч ирээд “Хамтран ажиллаач” гэх тохиолдол багагүй байдаг л даа. Би ази хэрнээ их өндөр, туранхай болохоор хүний нүдэнд содон харагддаг юм шиг байна лээ. Гудамжинд намайг олж хараад, улмаар санал тавих маягаар хэд хэдэн хүнтэй хамтарч ажилласан. Зохиомжийг нь тэр хүмүүс өөрсдөө гаргана. Тэдэнд яг хэрэгтэй байгаа дүр төрх учраас л намайг сонгодог. Тиймээс би хэрэгтэй дүр төрхийг нь л бүтээж өгөх ёстой.

 

 

 

-Монголын тухай бараг мэддэггүй шүү дээ. Намайг “Япон уу?” гэж их асуудаг. Монгол гэхээр хятадын нэг хэсэг үү гэдэг. Үгүй л гэж хариулдаг. Надад би монгол, тэр муу хятад энэ тэр гэж балайрч суух хүсэл байдаггүй. Хүн мэдэхгүй л байгаа биз, яахав дээ.

 

 

 

-Миний хобби гэрэл зураг гэж үнээн. Би их алдартай загварын гэрэл зурагчин болно гэж хүсдэг. Яахав, залуу насанд зураг хөргөө авахуулахад хожим дурсамжтай, буруу зүйл гэж боддоггүй. Харин яг миний чин хүсэл гэвэл өөрөө загварын мэргэжлийн хүн болохоор зорьж байгаа.

 

 

 

-Тийм санал ирж байгаагүй. Мэдэхгүй юм даа, би тэгж нүцгэлж шалдлах тухай ерөөсөө бодож байгаагүй юм байна.

 

 

 

-Он гараад хичээл эхэлнэ.

 

 

 

-Миний хувьд гэвэл “Би эмэгтэй хүн” гэж бодох нь л намайг хангалттай аз жаргалтай болгодог. Харин ихэнхи бүсгүйчүүд маань тийм мэдрэмжийг мэдэрдэггүй, ерөөсөө анзаардаг ч үгүй юм шиг санагддаг. Эмэгтэйчүүдийн ертөнц их нандин, гэгээлэг, эмэгтэй хүн байна гэдэг л сайхан шүү дээ.

 

 

 

-Хэзээд өөрийнхөөрөө байдаг зан чанараараа. Бас зорьсондоо их тууштай ханддаг.

 

 

 

-Энэ талаар би дахин ярихаа болихоор шийдсэн. Хангалттай ярьсан, чадлынхаа хэрээр тайлбарласан. Одоо сүүлдээ бүр утгаа алдлаа шүү дээ. Хүйс солих мэс заслын талаар юу ч мэдэхгүй хүмүүст ганц нэг үг хэлэх юмсан, ойлгуулах юмсан л гэж хүссэн. Ойлгох хүмүүс нь ойлгосон байх.Ер нь ЛГБТ хүмүүсийг үзэн яддаг гээд байдаг хүмүүс надад маш өрөвдөлтэй санагддаг болсон. Жижигхэн Монголоо дэлхий гэж бодоод л, тэндээ юу ч мэдэхгүйгээр насыг барж байна гэж бодохоор нэг л харамсалтай. Тэр хүмүүсийн буруу ч гэж байхгүй биз, нийгэм нь тийм юм чинь.

 

 

 

-Би өөрийн нандин бүхнээ, хайртай бүхнээ золиослон байж тэр нийгэмд өөрийгөө “трансжендэр” гэж зарласан. Тэгснээр өрөөл бусдыг маань ч хүмүүс ойлгоосой, надаас болж хайртай хүмүүсийг маань давхар битгий үзэн ядаасай гэж хүссэн. Хар амиа бодсон бол би таг дуугүй байж байгаад нэг өдөр хилийн дээс алхах байсан биз.

 

 

 

-Европ эрчүүд соёлтой, эмэгтэй хүнийг хүндэлж чаддаг. Монгол эрчүүдийн тухай сайн мэдэхгүй ээ, мэдэх ч шаардлага байхгүй.

 

 

 

-Зүгээр ээ, эвгүй асуулт биш. Зүгээр л яг хань ижил, амрагийн асуудал талаасаа монгол эрчүүдийг би сонирхдоггүй.

 

 

 

-Өө тэгээд л тухайн үед анхны хайр минь энэ тэр гэж бодоод л уйлж хайлж байсан залуу байдаг юмаа. Гэхдээ одоо бодоход шохоорхол л байсан юм билээ. Хөөрхөн, дурсамжтай санагддаг. хүндэлж, хайрладаг болж байгаа юм болов уу гэж анзаарагддаг. Элэг нэгтэй болохоор ч тэр үү дотно л санагддаг.

 

 

 

-Би хувцаслалт тал дээр үнэхээр минималист талдаа. Олон янзын элдэв гоёл чимэглэл, зүүлтнээс харшилтай. Тод хачин өнгө энэ тэрд дургүй. Гоё цамц аваад тэрийгээ янз бүрийн болсон болоогүй зүүлт чимэгтэй өмсөхийн оронд гоё цамц чигээр нь л өмсөхийг хүсдэг. Оёдол, материал сайтай, цэвэрхэн загвартай даашинзанд дуртай. Ер нь бол хэд хэдэн янзын даашинзтай.Ер нь даашинз сонгоно энэ тэр гэж сүйд болоод байдаггүй. Зөвхөн шинэ жилд зориулж даашинз авна гэж дэмий мөнгө зарлагдаад байхыг ч хүсдэггүй. Хэзээ ч, хаана ч өмсөж болох энгийн хөөрхөн даашинзууд байдаг шүү дээ. Тийм даашинзууд надад хэд хэд бий. Заримыг нь бараг авснаасаа хойш өмсөө ч үгүй байх. Тэднээсээ хэрэг гарвал сонгоод өмсөнө дөө.

 

 

 

-Заримдаа бодохоор сонирхолтой санагдаад байдаг юм. Би маш олон янзын хоббитой. Зурах, бичих, зураг авах, нүүр будахаас эхлээд. Ирээдүйд ч энэ бүхнээ орхих бодолгүй. Бас дэндүү ихийг хийхээр зорьж, төлөвлөж амьдардаг. Энэ зан чанар маань намайг хөглөж, өнөөдөрт минь авчирч, ирээдүйдээ тэмүүлж эрч хүчээр тэтгэдэг байх.

 

 

 

-Энд ирээд би анх удаа эмэгтэй хүнийхээ хувиар найз залуутай болж байсан. Түүний намайг ойлгосон сэтгэл, надад өгсөн хайр нь миний хувьд хамгийн том бэлэг байсан даа.

 

 

 

-Би өөрийгөө их романтик хүн гэж боддог. Тиймээс хайр дурлалын харилцааны бүхий л зүйл романтик санагддаг. Ер нь би гоё нүдтэй, ухаалаг харцтай залууст дуртай. Гоё гэдэг нь бүлтгэр том, давхраатай нүд биш л дээ. Тэгээд тийм гоё ухаалаг харцаараа над руу ширтэх нь сайхан санагддаг.

 

 

 

-Өө, би тийм баян цатгалан хүн биш шүүдээ. Тийм байх шалтгаан ч байхгүй. Байгаа бүхэндээ сэтгэл хангалуун л амьдардаг нэгэн. Нэг их илүү хүсч, өөрийгөө зовоогоод байдаггүй. Хүн ер нь өөрт байгаадаа талархаж сурах хэрэгтэй гэж боддог.

 

 

 

-Мэдээж секс бол хэрэгцээ. Замбараагүй байдалд бол дургүй.

 

 

 

-Байлгүй яах вэ. Хэд хэдэн трансжендер охид бий. Гэхдээ надад энгийн найз охид олон байдаг. Тэдэнтэй байхад өөрийгөө илүү их эмэгтэй хүн гэдэг талаас нь мэдэрдэг.

 

 

-Ярилцсанд баярлалаа.