Маргаашнаас махыг ил задгай худалдааг хоригложээ
2021/07/31
Нийслэлийн Засаг даргын захирамжаар наймдугаар сарын 1-нээс мал, амьтны гаралтай мах, махан бүтээгдэхүүнийг ил задгай худалдаалахгүй байхаар болжээ.
Тус захирамжид "Нийслэлийн иргэдийг эрүүл, аюулгүй стратегийн хүнсээр хангах зорилгоор нийслэлийн хэмжээнд ил задгай мал, амьтны гаралтай мах, махан бүтээгдэхүүнийг 2021 оны наймдугаар сарын 1-нээс худалдаалахгүй байх зохион байгуулалтын арга хэмжээ авч, хяналт тавьж ажиллахыг НХЕГ, Нийслэлийн цагдаагийн удирдах газар, Нийслэлийн мал эмнэлгийн газар, Нийслэлийн хүнс, хөдөө аж ахуйн газар, дүүргийн Засаг дарга нарт тус тус даалгасугай" гэжээ.
ШӨХТГ-аас долдугаар сарын 23-нд ”Хүчит шонхор” худалдааны төвд хийсэн хяналт, шалгалтын дүнг танилцуулах үеэр ХХААХҮ-ийн сайд З.Мэндсайхан болон Нийслэлийн удирдлагуудад дараах саналыг хүргүүлсэн юм.
-Махны ил задгай худалдааг бүрэн зогсоох,
-Махны бөөний худалдааны төвлөрлийг сааруулж хүртээмжийг нэмэгдүүлэх, өрсөлдөөнийг хангах үүднээс Улаанбаатар хотын дөрвөн талд бөөний худалдааг хийх,
-Хүн амын хэрэгцээнд зориулсан хүнсний махыг зөвхөн үйлдвэрийн аргаар төхөөрөх гэх мэт.
zochin · 2021/08/01
Одоо үйлдвэрийнаргаар нядалсан ядаж сүүн хүчлийн бактераас ангижарсан мах идэх цаг болсон үйлдвэрт нядлаад нэг хоног сэврээгээд худалдаанд гаргасан ах идвэл өвчин бага тусна шүү
zochin · 2021/08/01
маш зөв бна монголд ил задгай гар аргаар төхөөрсөн малын мах худалдаснаас болж маш их өвчин гардаг малчид ихэнхидээ өвчтэй ивомек болон бусад тариа хийлгээд амьдрах чадваргү болсон малаа нядлаад захад өгдөг түүнээс болж хүн амы хүнсний аюулгүй байдал алдагдсан
Зочин · 2021/08/01
маш зүйтэй шийдвэр болсон байна. Мал мах бэлтгэл маш бохир аргаар бэлтгэгпэж ирсэн Бүх махыг үйлдвэрийн аргаар боловсруулах нь хамгийн зөв шийдвэр Сайн байна. Дэмжиж байна.