Цагдаагийн байгууллагад 2022 оны 11 дүгээр сарын 10-ны өдөр 16 настай охин “Б” нь Дархан-Уул аймгийн Дархан суманд оршин суух гэрээсээ энэ сарын 04-ний өдөр гараад сураггүй алга болсон” гэх мэдээлэл бүртгэгдсэн.

Эрэн сурвалжлах ажиллагааг тасралгүй зохион байгуулж түүнийг хамаарал бүхий этгээдтэй хамт Төв аймгийн Мөнгөнморьт сум руу самар түүхээр явсан болохыг олж тогтоосон.

Энэ талаар охины ар гэрээс тодруулахад "Цагдаа нараас тийм мэдээлэл өгсөн. Гэхдээ бид нар хүүхдээ олоогүй л байна. Эрлийн ажиллагаа одоо ингээд эхлэх байх" гэлээ. Мөн түүнээс охин тань найз залуутай юмуу гэхэд "Байхгүй ээ" гэж хэллээ.