Нийслэлийн Засаг дарга бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөр, Монгол Улсын Соёлын сайд болон Нийслэлийн Засаг дарга бөгөөд Улаанбаатар хотын Захирагч нарын 2023 онд хамтран ажиллах гэрээнд тусгагдсан нийслэлийн иргэд, олон нийтийн соёлын боловсролыг дээшлүүлэх зорилтын хүрээнд 2023 оны 04 дүгээр сарын 10,11-ний өдрүүдэд Улаанбаатар хотод үйл ажиллагаа эрхэлж буй Соёл, урлагийн сургуулиуд болон сургалтын төвүүдийн нэгдсэн өдөрлөг Д.Сүхбаатарын төв талбайд зохион байгуулагдахаар төлөвлөгдөж байсан боловч цаг агаарын нөхцөл байдлаас шалтгаалан түр хойшилж, маргааш, нөгөөдөр буюу 2023 оны 04 дүгээр сарын 12,13-ны өдрүүдэд зохион байгуулагдана.

Нийслэлийн иргэд, хүүхэд, залуучуудад соёл, урлагийн үзвэр, үйлчилгээг нээлттэй, хүртээмжтэй хүргэх, соёл, урлагаар дамжуулан соён гэгээрүүлэх, боловсрол мэдлэг түгээж, их хотын ирээдүйн соёлтой иргэнийг бэлтгэх зорилгоор “Улаанбаатарын хаврын баяр 2023”-ын хүрээнд зохион байгуулагдах тус өдөрлөгт Монгол Улсын Соёл, урлагийн их сургууль, Монгол Улсын Консерватори, Кино Урлагийн Дээд Сургууль, Сити Их сургууль зэрэг 20 гаруй Соёл, урлагийн чиглэлийн мэргэжлийн боловсрол олгодог сургуулиуд, болон сургалтын төвүүд хамтран оролцож, танилцуулга мэдээлэл, үзвэр, үйлчилгээ, элсэлтийн шалгалтын бүртгэл хийх, урлагийн тоглолтыг зохион байгуулж нийслэлийн иргэд, хүүхэд, залуучууд, олон нийтэд хүргэнэ.

Та бүхнийг хүрэлцэн ирж, оролцохыг урьж байна.