Төрийн эсрэг гэмт хэрэг үйлдсэн гэх үндэслэлээр цагдан хоригдсон Ц.Хулан, Б.Отгонбаатар нарт холбогдох хэргийн шүүх хуралдаан өнөөдөр 09.00 цагт эхэлжээ. Нууцын зэрэглэлт учир хаалттай болж байгаа бөгөөд түүнд прокурорын зүгээс  12 жилийн хорих ял оноохоор төлөвлөж байгаа гэж мэдээлэл гараад буй билээ. 

Нийслэлийн прокурорын газраас Ц.Хулан, Б.Отгонбаатар нарт “…гадаадын тагнуулын алба, байгууллага, иргэнтэй хууль бусаар хамтран ажиллах…” гэмт хэрэгт холбогдуулан яллах дүгнэлт үйлдсэн. Улмаар хэргийг энэ оны гуравдугаар сарын 21-ний өдөр Сүхбаатар дүүргийн Эрүүгийн хэргийн анхан шатны шүүхэд шилжүүлээд байна.

Шүүгдэгч нарт холбогдох хэргийг “шүүх бүрэлдэхүүнтэй”-гээр хянан хэлэлцэх бөгөөд даргалагч шүүгч “Хөгжлийн банк”-ны гэх тодотголтой 80 хүн, 4 хуулийн этгээдэд холбогдох эрүүгийн хэргийн шүүх хуралдаанд оролцсон. Иймд шүүх хурлыг хэд хэдэн удаа хойшлуулсан.