Цагтаа зохиолын дууны хатан хаан хэмээн өргөмжлөгдөж явсан МУГЖ Т.Баясгаланг олон түмэн уран бүтээлээ хийхийг нь үгүйлнэ суугаа гэлцдэг. Тэрбээр заяаны ханиараа Японы мэргэжлийн сүмод зодоглож, дараа нь монголдоо ирээд УИХ-ын гишүүнээр сонгогдон ажиллаж байсан Д.Кёкүшюзан Батбаярыг сонгосон билээ. Түүнийг энэ оны өнгөрөгч тавдугаар сард гэр бүлийн хүчирхийлэл үйлдсэн хэмээж байв. Тэгвэл үүний учиг тайлагдлаа. 

Уг хэргийг тэрбээр үйлдсэн нь үнэн бөгөөд гэр бүлийн хүчирхийлэл үйлдсэн танхайрсан гэдэг үндэслэлээр зөрчлийн хэрэг үүсгэсэн байна. Улмаар 10 цагийн албадан сургалт, 15 хоногийн баривчилгаа, 100,000 төгрөгөөр торгох шийтгэл ногдуулжээ. Энэ хүрээнд хосуудыг эвлэрэх хугацаа өгөхөд түүний эхнэр Т.Баясгалан эвлэрэх боломжгүй хэмээж улмаар тус шүүхээс хэргийг харьяаллын дагуу Чингэлтэй, Сүхбаатар дүүргийн анхан шатны шүүхэд ханджээ. Тэд "гэр бүлээ салгаж" байгаа тул гэр бүлийн баталгаагаа цуцлуулах, эд хөрөнгийн маргаанаа шийдвэрлүүлэхээр иргэний хэргийн шүүхэд хандсан байна.