УИХ-ын гишүүн асан Т.Аюурсайхан, “Эрдэнэс Тавантолгой” ХК-ийн захирал асан Б.Ганхуяг нарын 11 хүнд холбогдох шүүх хурал болж байна. Эрүүгийн хэргийн гэм буруугийн шүүх хуралдааныг хойшлуулах хүсэлтийг 2023 оны арваннэгдүгээр сарын 13-нд Б.Ганхуяг, П.Бадамханд нарын зургаан шүүгдэгчийн өмгөөлөгч гаргаж, шүүх хурлыг нэг сараар хойшлуулсан юм.

Шүүх бүрэлдэхүүн Б.Ганхуяг, Т.Аюурсайхан нарт холбогдох эрүүгийн хэргийн гэм буруугийн хуралдааныг хойшлуулах хүсэлтийг хоёр долоо хоногийн өмнө хэлэлцэж,  арванхоёрдугаар сарын 27-нд товлосон.

Нийт таван удаа хойшилсон тус эрүүгийн хэргийн хуралдаан яллагдагчдын саналаар өнөөдөр дахин хойшилж, 2024 оны нэгдүгээр сарын 15-ны 09.00 цагт болохоор боллоо.