Баянгол дүүрэгт өнөөдөр нээлтээ хийсэн гүүрэн доогуур том оврын автомашин багтахгүй гацжээ.

Нарны хорооллын гүүрэн гарцыг өнөөдөр /2024.01.19/ албан ёсоор нээж албаны хүмүүс мэдээлэл өгсөн билээ. Энэ үеэр Уул уурхай, хүнд үйлдвэрийн сайд Ж.Ганбаатар "Нарны хорооллын явган хүний гүүрэн гарцны зураг төслийн ажил 2021-2022 онд эхэлж байсан. Төсөвт өртгийг анх 1.5 тэрбум төгрөгөөр зарласан ч өрсөлдөөнөөр 1.2 тэрбумаар барьж байгуулсан байна. Би барилгын ажлыг бага сага гадарлана. Нийт 1.2 тэрбум төгрөгөөр гүйцэтгэхэд бараг компанид нь ашиг гарсан болов уу. Гүйцэтгэгч компани дахиад цаад талын гүүрэн байгууламжийн тендерт оролцоосой гэж хүсэж байна.

"Алтай" хотхон, Нарны хорооллын оршин суугчид хотын төвийн үйлчилгээг авахдаа заавал машинтай явах шаардлага үүсдэг байсан. Харин одоо гүүрэн гарцтай болсноор явган эсвэл дугуйтай зорчиж үйлчилгээ авах бололцоотой болж байна. Мөн "Алтай" хотхон орчимд 1200 хүүхдийн сургууль барихаар төлөвлөжээ. Газар нь шийдэгдсэн тул тендер сонгон шалгаруулалтын ажил 2024 онд зарлагдана" хэмээн ярьсан юм. 

Гүүрэн гарцны тендерийг анх 1.5 тэрбум орчим төгрөгөөр зарласан ч гүйцэтгэгч компани 1.2 тэрбумаар барьсан байна. 

Тэгвэл тус шинэ гүүрэн гарцан доогуур ачааны машин багтаж гарч чадахгүй мөргөжээ.