Могой жилийн шинийн 1-н хэзээ тохиох талаар Монголын Бурхны шашны төв-Гандантэгчэнлин хийдийн хэвлэлийн албанаас тодруулахад "Могой жилийн сар шинийн баяр 2025 оны гуравдугаар сарын 1-нд буюу шинийн 2-ноос эхэлнэ.

Энэ жилийн хувьд шинийн 1-ний өдөр тасарсан. 2025 оны хоёрдугаар сарын 28-нд Битүүний өдөр тохиож байгаа гэсэн үг.

Монгол Улс газар зүйн байрлалаар сарны харьяалалд байдаг учраас өдөр хоног тасардаг уламжлалтай. Өнгөрсөн жил битүүний өдөр тасарч байсан. Харин Хятад, Энэтхэг зэрэг орон нь нарны харьяалалд багтдаг учраас цагаан сарын өдөр нь тасардаггүй. 

Сар зарим үед хурдан, удаан гүйдэлтэй байдаг. Хурдан гүйдэлтэй үед өдөр нь тасардаг гэсэн үг. Манайх эрт дээр үеэс нарны харьяалалтай улсуудаас цагаан сараа зөрүүлж тэмдэглэдэг байсан.

Могой жилийн суудал, өнгө тодорхой болсон. Монголын Бурхны шашны төв-Гандантэгчэнлин хийдийн зүгээс нэгдүгээр сарын 10-наас өмнө хэвлэлийн хурал зохион байгуулж, цагаан сарын дэлгэрэнгүй мэдээлэл өгнө" гэв.