“Монголын төмөр зам” ТӨХК-ийн ТУЗ хуралдаж гүйцэтгэх захирал Б.Отгонсүх өөр албан тушаалд шилжин ажиллах хүсэлтийг хэлэлцээд, түүний оронд О.Батчулууныг гүйцэтгэх захирлаар томилжээ.

Б.Отгонсүх нь иргэний нисэхийн газарт шилжин ажиллахаар болсон байна. Шинээр томилогдсон О.Батчулуун нь эдийн засагч, хуульч мэргэжилтэй. МУИС-ийг Эдийн засгийн сургуулийг эдийн засагч мэргэжлээр дүүргэсэн байна.

Хууль зүйн яаманд мэргэжилтэн, ахлах мэргэжилтэн, хэлтэс, газрын даргаар ажиллаж байсан, мөн “Монголын цахилгаан холбоо” ХХК-ийн гүйцэтгэх захирал, “Эрдэнэс Монгол” ХХК-ийн гүйцэтгэх захирлын зөвлөхөөр тус тус томилогдон ажиллаж байсан.