Нэгдүгээр сарын 17-26-ныг хүртэлх ирэх 10 хоногийн цаг агаарын урьдчилсан төлөвийг Цаг уур, орчны шинжилгээний газраас мэдээллээ. 

Ойрын өдрүүдэд ихэнх нутгаар хүйтний эрч сулавтар байх юм байна. 

Хур тунадас:

  • Нэгдүгээр сарын 19-нд Хангай, Хөвсгөл, Хэнтийн уулархаг нутгаар,
  • Нэгдүгээр сарын 20-нд Хэнтийн уулархаг нутгаар, Хэрлэн, Онон, Улз голын хөндийгөөр ялимгүй цас,
  • Нэгдүгээр сарын 22-нд Монгол-Алтайн уулархаг нутгаар,
  • Нэгдүгээр сарын 23-нд баруун болон төвийн аймгуудын нутгийн зарим газар,
  • Нэгдүгээр сарын 24-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр,
  • Нэгдүгээр сарын 25-нд Халх голын сав газраар цас орж, цасан шуурга шуурна. 

Салхи:

Ихэнх хугацаанд ихэнх нутгаар секундэд 5-10 метр,

  • Нэгдүгээр сарын 22-нд Алтайн уулархаг нутгаар,
  • Нэгдүгээр сарын 23-нд баруун болон төвийн аймгуудын нутгаар,
  • Нэгдүгээр сарын 24-нд төв, говь, зүүн аймгуудын нутгаар секундэд 16-18 метр хүрч ширүүснэ.  

Агаарын температур:

  • Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -35...-40 градус, өдөртөө -23...-28 градус,
  • Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -26....-31 градус, өдөртөө -15...-20 градус,
  • говийн бүс нутгийн өмнөд хэсгээр шөнөдөө -9...-14 градус, өдөртөө 0...-5 градус,
  • бусад нутгаар шөнөдөө -20...-25 градус, өдөртөө -9...-14 градус хүйтэн байна.

Нэгдүгээр сарын 23-нд баруун болон төвийн аймгуудын нутгаар, 24-нд ихэнх нутгаар, 25-нд нутгийн зүүн хагаст хүйтний эрч чангарна. 

Улаанбаатар хот орчмын 10 хоногийн цаг агаарын урьдчилсан төлөв 

Хур тунадас: Нэгдүгээр сарын 20-нд ялимгүй цас, 24-нд цас орж, цасан шуурга шуурна. Бусад хугацаанд цас орохгүй.   

Салхи: Ихэнх хугацаанд секундэд 5-10 метр, 20, 24-нд баруун өмнөөс хойш эргэж секундэд 12-14 метр хүрч ширүүснэ.  

Агаарын температур: Яармаг-Сонгины орчмоор шөнөдөө -25..-30 градус, бусад хэсгээр шөнөдөө -18...-23 градус, өдөртөө -8...-13 градус хүйтэн байна. 24, 25-нд хүйтний эрч чангарч Яармаг-Сонгины орчмоор шөнөдөө -29..-34 градус, бусад хэсгээр шөнөдөө -24..-29 градус, өдөртөө -13...-18 градус хүйтэн байна.