Үндэсний их баяр наадамд Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадмын хүчит бөхийн барилдаанд Увс аймгийн Ховд сумын харьяат “Увс нуур” дэвжээний бөх Улсын харцага Намсрайжавын Батсуурь түрүүлж Монгол Улсын арслан болсон гэдгийг уншигч та бүхэн мэдэж байгаа билээ.

Үндэсний их баяр наадамд 9 давж түрүүлсэн түүнд Японы Тоёота корпориацийн Зүүн Ази болон далайн эргийн орнуудыг хариуцсан гүйцэтгэх захирал Тоширо Хидака “Ланд крузер-200” маркын автомашиныг өчигдөр гардуулан өгсөн.

Үндэсний их баяр наадмын зохион байгуулах хорооны дарга Д.Тэрбишдагва наадамд түрүүлсэн, үзүүрлэсэн, шөвгөрсөн бөхчүүдэд бай шагнал, цолны чимэг хүртсэн бөхчүүдийн үнэмлэхийг Хүй долоон худагт болсон уяачдын баярын үеэр гардуулсан юм.

Мөн түрүүлсэн бөхийн бай шагнал болох 15 сая төгрөгийг Улсын заан Н.Батсуурьт уяачдын баярын үеэр гардуулан өгөв.

Увс аймгийн Улаанбаатар хот дахь Нутгийн зөвлөлийн дарга, Улсын ерөнхий прокурор Д.Дорлигжав, УИХ-ын гишүүн Ц.Нямдорж, УИХ-ын гишүүн Б.Чойжилсүрэн тэргүүтэй Увс нутгийнхан “Хүннү” хороололд дөрвөн өрөө байраар мялаалаа.

Тэрбээр саяхан гал голомтоо бадрааж, хүүтэй болсон залуу арсландаа тав тухтай амьдрах бололцоогоор хангаж, дөрвөн өрөө байрны батламжийг гардуулсан юм.

Х.Даваа