Монгол Улсын Баатар Эрдэнийн Бат-Үүл үе үе АНУ, ОХУ, БНХАУ тэргүүтэй их гүрнүүд ба геополитикийн сэдвээр байр сууриа илэрхийлдэг. Тэгвэл тэрээр өнөөдөр нийгмийн сүлжээнд бичихдээ:

"Трамп, Кеннеди тэргүүтэй шарлатанууд Америкийг удирдсанаас хойш,тэр улсад “рационалфоби (шинжлэх ухаанч сэтгэлгээг үзэн ядах өвчин)” хэмээх “тахал” гараад байна! 

Хүн төрлөхтөн шинжлэх ухаан суурьтай соёл иргэншил рүү нэгэнт шилжсэн.Хувьдаа хэрэглэж байгаа гар утас, гэртээ хэрэглэж байгаа ахуйн цахилгаан хэрэгсэл, гараад унаж байгаа машин, нисэж байгаа онгоц гээд бидний алхам тутамдаа хэрэглэдэг юм бүхэн шинжлэх ухааны бүтээгдэхүүн. Түүнийг хэрэглэхгүй бол хүн амьдарч чадахгүй болсон! 

 

Гэтэл өдгөө дэлхийн шинжлэх ухааны төв нь болсон Америкт, шинжлэх ухааны мэдлэгийг дорд үзэн үгүйсгэдэг мухар сүсэгтэнгүүд ба хулхи мэдлэгүүдийн “бослого” гарч шарлантанууд засгийн эрх авсан, интэрнэтийг эзэлсэн!

Шарлатанууд супер одод болж, Америкчуудын рационал байдал сүйрч байна.Гитлерт ховсдуулсан Германд ийм явдал болж, шинжлэх ухааны номуудыг овоолон шатааж, Эйнштейнийг алахаар оролдож байсан.Энэ солиорол одоо Америкт халдварлаад байна!

 

Хүмүүс,хичнээн ч солиорч шинжлэх ухааны эсрэг босоод яаж ч чадахгүй.Түүний бүтээгдэхүүнгүйгээр хоромч амьдарч чадахгүй.Фарадей-Максвеллийн цахилгаангүй, компьютер-интернэтгүй амьдрах гээд үз дээ?

Яаж ч чадахгүй ч, тэнэгтэж бослого гаргаад, харин асар их сүйрэл амсах болно.Шинжлэх ухааны эсрэг Гитлерийн бослого нь тухайн үедээ Европийг сүйрүүлж, асар олон хүнийг хөнөөсөн.Гэхдээ,шинжлэх ухаан цааш явдагаараа л явсан,өдгөө хиймэл оюун ухаан бүтээчихээд байна!

Харин, одоогийн Трампын “бослого” нь Гитлерийнхээс хэр илүү их хэмжээний сүйрэл авчрах бол? гэдэг нь энэ цагийн гол асуулт болжээ!" гэсэн байна.

 

Н.Отгончимэг

сонин.мн