Өчигдөр буюу аравдугаар сарын 16-ны өдөр УИХ-ын дэд дарга Х.Булгантуяа чуулганы индэрт гаран, УИХ-ын чуулганы хуралдаанд оролцохыг УИХ-ын гишүүдийг оролцохыг уриалж, шөнөжин суув.

Чуулганы ирц өнөөдөр буюу аравдугаар сарын 17-ны баасан гаргийн 08 цагийн байдлаар 48.4 хувьтай байна. 126 гишүүнээс 61 нь ирцээ бүртгүүлсэн гэсэн үг.

Гишүүдийн ирц бүрдэж, чуулган хуралдсанаар Ерөнхий сайд Г.Занданшатарыг огцруулах болон УИХ-ын дарга Д.Амарбаясгалангийн чөлөөлөгдөх хүсэлтийг хэлэлцэх учиртай. Гэсэн хэдий ч Ерөнхий Сайд Г.Занданшатарыг огцруулах эсэх асуудлыг хэлэлцэхдээ Үндсэн хууль зөрчсөн санал хураалт явуулах гэж байгаа тул УИХ-ын гишүүд ирцээ бүртгүүлэхгүй байсаар байна.

Хэрэв Ерөнхий сайдыг огцруулах асуудлаар Төрийн байгуулалтын байнгын хорооноос оруулж ирсэн томъёоллоор санал хураалт явуулбал, түүнд оролцвол Үндсэн хууль зөрчсөнд тооцогдоно.

Энэ тухай С.Нарангэрэл, Н.Лүндэндорж зэрэг Монголын шилдэг хуульчид маш тодорхой тайлбарласан билээ. Тиймээс ч УИХ-ын гишүүд Үндсэн хууль зөрчихөөс зайлсхийж буй учраас ирцэнд орохгүй байгаа ажээ.