Өчигдөр Эрүүл мэндийн сайд Э.Батшугар "Эрүүл мэндийн даатгалын сан өргүй болсон" хэмээн мэдээлсэн. Тэгвэл өнөөдөр Т.Мөнхсайхан нь өр төлбөрөө бүтэн төлж барагдуулаагүй байгаа хэмээн уурсав.

Энэ талаар Т.Мөнхсайхан "Намайг Эрүүл мэндийн сайдын ажлыг хүлээж авахад даатгалын сан 300 гаруй тэрбум төгрөгийн өр төлбөртэй байсан. 2025 оны эхний улиралд 2024 оны өр төлбөрийг төлж барагдуулж дууссан. Одоо эрүүл мэндийн даатгалын сангийн өр төлбөр дууслаа гэдэг нь 2025 онд эрүүл мэндийн байгууллагуудад 198 тэрбум төгрөгийн өглөгтэй байсан үүнийгээ л төлсөн байна гэж би ойлгосон.

Харин 2026 оны хоёрдугаар улирал дуусаж байна. Энэ хугацаанд эргээд өр төлбөр үүссэн. Эргээд энэ авлагаа авч чадаагүй байгаа учир эм ханган байгууллагуудад их хэмжээний өртэй байна. Мөн цалингийн нэмэгдлийг оны эхнээс олгож эхэлсэн. Үүнийг эргээд эрүүл мэндийн байгууллагад үүрүүлчихлээ. Гэтэл цалин нь өнөөдрийг хүртэл нэмэгдээгүй байна" хэмээн ярилаа.