Өглөө орой өдөр шөнөгүй сурталчилгаа хийж Хууль зүйн яамны салбар байгууллагуудын нэгдсэн өдөрлөг нээлттэй хаалга болж иргэдийг хүрэлцэн хүлээн авна хэмээн чамгүй мөнгө төгрөг зарцуулан байж хийсэн өдөрлөг амжилттай үр өгөөжтэй болсон байна. Гэтэл үхрийн сүүлэн дээр хутга гэгчээр амралтын өдөр гэрлүүгээ яарсан уу яасан эрхэм хуулийн салбарынхан маань талбай дүүрэн хог хаяад алга болцгоожээ!

Амралтын өрдийн орой иргэд нийслэлийн төв талбайд гарч зураг хөргөө татуулж шинээр ирсэн оюутнууд хүртэл нийслэл хоттойгоо танилцан хөгшид хүүхдүүд налайх гэтэл өдөрлөгийн эздийн үлдээсэн хог бухимдал төрүүлж багагүй шүүмжлэл өрнүүлээд авлаа.

Цахим орчинд байдаг залуучууд энэ байдалд ихэд дургуйцэн ардчилал шударга ёс ярьдаг Х.Тэмүүжин сайд өөрөө хог хаягдалдаа санаа зоволгүй хүйтэн цэвдэг сэтгэл гаргаж байгаад дургуйцэн "Х.Тэмүүжин сайдаа! Хогоо цэвэрлээч" хэмээн шаардаж байлаа.