УИХ-ын  гишүүн Н.Номтойбаяр  парламентад хөл тавьсныхаа дараа хэвлэлийн салбарт “гар  дүрсэн”. Тодруулбал “Шинэ дэлхий” телевиз, “Өдрийн шуудан” сонинг худалдан  авч,  хэвлэл мэдээллийн  медиа групп-тэй болно  хэмээн  ярьж эхлэв.  “МАК” хэмээх уул  уурхайн “вант улсын” өв залгамжлагч тэрбээр  улс төрд ороход  өөрийн гэсэн  хэвлэл  мэдээлэлтэй байх нь  чухал хэмээн  тооцоо биз. Намын  ах  нар  нь  ч тэгж зөвлөсөн байх.  Харамсалтай нь  үйл  ажиллагаа нь хэвийн үргэлжилж байсан дээрх  хэвлэл  мэдээллийн  байгууллагууд Н.Номтойбаярын  буюу МАК-ын “мэдэлд”  очсоноосоо хойш  санхүүгийн хувьд доголдож эхэлсэн  байна. Анх тэрбээр “Улс төр, бизнесийнхэн,  төрийн  байгууллага, яамдуудтай ямар ч гэрээ хийж болохгүй, санхүүгийн асуудлыг  би  бүрэн даана”  хэмээн  лүндэн  буулгаж байсан талаар  ажилчид  нь ярьдаг.  Тэгвэл  өнөөдөр  түүний худалдаж авсан  “Өдрийн шуудан”  сонин үүдээ барьж,  Шинэ дэлхий телевиз нь   цөөн хэдэн  ажилчидтай арай ядан  эфирээ хаалгахгүй аргацааж байгаа сурагтай. Түүнээс гадна Сүхбаатар  дүүргийн Нийгмийн даатгалаас  “Өдрийн шуудан” сониныг  шүүхэд  дуудсан  гэнэ.  Учир  нь ажилчдынхаа нийгмийн  даатгалыг  төлөлгүй олон сарын  өр үүсгэсэн аж.  Тус сонины ажилчид  зөвхөн  нийгмийн даатгалаа төлүүлээгүйгээр барахгүй олон сарынхаа цалинг  МАК компаниас  авч чадалгүй хохироод байгаа гэнэ.  

А.Баярмаа