Хуурамч дипломоор төрийн албанд ”шургалсан” Г.Батцэцэгийг ажлаас нь чөлөөлжээ
2015/09/15
Иргэний нисэхийн ерөнхий газрын Сэргээн засал, сувиллын цогцолборын захирал Г.Батцэцэгийг ажлаас нь чөлөөлжээ.
Тэрбээр албан тушаалаа урвуулан ашиглаж, садан төрлийн холбоотой хүмүүсийг өөрийн удирдлаган дор ажиллуулж, цалинг нь давхардуулж олгож байсныг АТГ-аас явуулсан шалгалтаар тогтоосон юм.
Түүнчлэн Г.Батцэцэг нь Сэргээн засал, сувиллын цогцолборын захирлын ажлын байранд тавигдах шаардлагыг хангаагүйгээс гадна 1997 онд УБИС-ийг Урлал техникийн багш мэргэжлээр суралцаж төгссөн гэх хуурамч диплом ашиглан төрийн албанд ажиллаж байсан нь илэрчээ.
Түүнд Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн дагуу хариуцлага тооцуулахаар Авлигатай тэмцэх газраас Иргэний нисэхийн ерөнхий газрын дарга Ц.Эрдэнэбилэгт албан бичиг хүргүүлээд байсан юм.
Тиймээс эл шаардлагын хариуд Иргэний нисэхийн ерөнхий газрын даргын Б/165 дугаар тушаалаар Г.Батцэцэгийг үүрэгт ажлаас нь чөлөөлсөн байна.
http://www.24tsag.mn
Нэр · 2015/09/16
Ажлаас нь чөлөөлөөд л болоо юу? Тэр даргыг нь ч гэсэн шалгах хэрэгтэйм биш үү?
Зочин · 2015/09/15
Төмөр замд Барс хүнсний захын хойд талд угсармал 9 давхар/67-р байр/ байранд гал тогоо тусдаа маш дулаан 2 өрөө байрыг зарна.урт тагттай , тагтнадаа вакум хаалт хийлгэсэн.хөршийн холбоо сайн байр.
үнэ 95 саяас сайн ярина.
мөн байрны урд талд дулаан зогсоол байгаа зогсоолыг 25 саяд зарна.
утас : 99905758
шаабар · 2015/09/15
Ийм хуурамч дипломтой хүмүүс төрийн албанд төдийгүй сайд дарга хийгээд цохиж явааг олон хүн мэднэ байх шүү. Тухайн албанд ямар нөхөр томилогдож байгааг нийтэд ил тод зарлаж, мэргэжил боловсролынх нь талаар албан ёсны баримт бүрдүүлэн лавладаг байвал ийм байдал багасах байх шүү. Гол нь тэд авилгаар л томилогддог тул томилсон даргад хатуу арга хэмжээ тооцох хэрэгтэй шүү дээ. Амташсан хэрээ 13 дахидаг.