Монголын загварын ертөнцийн энэ цаг үеийн төгс илэрхийлэл болж, өөрийн гэсэн өвөрмөц дүр төрх, төгс бие галбир, авъяас чадвараараа цахиур хагалж яваа загвар өмсөгч С.Төгс, шилдгийн шилдэг нь гэдэгээ батлан харуулсаар байна. Тэрээр өөртөө итгэлтэй, өөдрөг үзэлтэй, гоо үзэсгэлэнт, мэргэжлийн загвар өмсөгчдийн оны шилдгүүдийг тодруулдаг “VISION 2013” наадамд шилдэг эмэгтэй загвар өмсөгчөөр шалгарч Топ моделиор өргөмжлөгджээ. 

    "VISION 2013" наадам нь "Mod Art" реалити шоу нэвтрүүлгийн гала тоглолттой давхар зохион байгуулагдсанаараа онцлог бөгөөд өдгөө гурав дахь жилдээ амжилттай зохиогдож байгаа юм. Сонирхуулахад "VISION 2013" наадмын шилдгээр шалгарсан С.Төгс өнгөрсөн жил охинтой болж нэг хэсэг ажил амжилтуудаа завсарлаад байсан хэдий ч, өнгөрсөн жил зохиогдсон "VISION 2012" наадмын шилдэг эмэгтэй загвар өмсөгчөөр шалгарч Топ моделиор өргөмжлөгдсөн мисс Х.Бадамгэрэлтэй хамтран "Andra Model Management" хэмээх загварын агентлаг байгуулан гүйцэтгэх захирлаар нь ажиллаж, ололт амжилтаар дүүрэн яваа билээ. Ийнхүү шилдэг Загвар өмсөгч, шилдэг Топ модель, шилдэг Захирал болж энэ цаг үеийн шилдэг эмэгтэйгээр тодорч буй С.Төгсдөө нийт уншигчдынхаа нэрийн өмнөөс амжилт, аз жаргалыг хүсэн ерөөе.

 photo 6284_10200758889107706_540638617_n_zps9f6dd019.jpg  photo 988641_302855899851504_4175695_n_zpsa54ab472.jpg  photo 1016673_302864953183932_789337267_n_zpscc7ce4c4.jpg  photo 283460_302864956517265_358049522_n_zps0b9b340a.jpg  photo 969984_302785463191881_896690053_n_zps879458a1.jpg