“Хэвлэлийн баатар ” дуучин Нара
Хаана ч, хэний ч өмнө өөрийнхөөрөө байж чаддаг дуучин Нараг үнэлэх нэгэн байхад үгүйсгэх хүн ч бий. Түүний талаарх сайн, муу мэдээлэл хэвлэл, цахим сайтуудаар бичигдэж нэг ёсондоо энэ цагийн “хэвлэлийн баатар” болсон гэхэд болно. Түүнийг тойрсон мэдээлэл үргэлж л дуулиан тарьж, олны анхаарлыг татаж байдаг.
Хэдхэн хоногийн өмнө л гэхэд  түүний баранд халамцуухан шоудсан зураг олонд ил болсоноор түүний талаар сайн, муу элдэв мэдээлэл цахим сайтуудаар дэгдсэн юм. Халамцуухан бүжиглэж буй Нарагийн  зургийг харсан зарим нэг нь  олны танил хүн байж биеэ зөв авч явж чадахгүй хэмээн шүүмжилсэн бол цөөнгүй хэсэг нь хүний ёсноос гажууд, гэмт хэрэг хийсэн биш хэмээн өмгөөлсөн байлаа.
“Задгай хувцасласан бүхэн задгай явдалтай байдаггүй” хэмээн, өөрийг нь үгүйсгэсэн хүмүүст тайлбар өгдөг дуучин маань элдвийн сайн, муу мэдээлэлд тэр бүр анхаарал хандуулж, тайлбар хэлээд байдаггүй.