Хуучны ЗХУ-д үйлдвэрлэсэн 32 кг-ын туухай үнэд оржээ. Манайд хоёр, таван сая төгрөгөөр худалдаж авна гэсэн зар интернетээр түгэж байна.
Гүржид ийм туухай хулгайлсан хэрэг ганцхан сард дөрөв гарч. Казахстанд ч бас эрэлт ихтэй болж хулгай гарсаар байна гэнэ. Орост ийм туухайг 50, 100 мянган рублиэр худалдаж авна гэсэн зар интернетэд бас зөндөө. Гэхдээ зөвхөн ЗХУ-д үйлдвэрлэсэн туухай гэж онцлоод байдаг.

Уг нь зүгээр л булчин сайжруулахад зориулан бүтээсэн биеийн тамирын нэг төхөөрөг. Хуучин социалист нийгмийн үед бол сургууль бүрийн биеийн тамирын зааланд байж л байдаг, айлуудад ч байдаг байсан зүйл.
Гэтэл өнөөдөр л ийм үнэд хүрээд байдаг. Гэхдээ бүр онцлоод зөвхөн 32 кг-ын жинтэй нь илүү их сонирхол татаж, илүү эрэлттэй байдаг нь.

Яагаад.......Юугаараа ингэж үнэд хүрээд байна аа.
Оросууд өөрсдөө ч үүний учрыг ололгүй янз бүрийн таамаг дэвшүүлж байна.
Яг үнэндээ нууцсаад байх зүйл энд байхгүй юу. Хүмүүсийн дунд элдэв цуу яриа байгааг тоймловол.

-Алт. 32 кг-ын туухай дотор алт байдаг гэж итгэдэг хүмүүс байна. Энэ нь ам дамжсаар ийм байдалд хүргэсэн байж болох. Гэхдээ үйлдвэрээс иймалтны агуулгатай үйлдвэрлэнэ гэж байхгүй. Харин туухай бол хэн ч сэжиглэхгүй “сав” учраас алттай хүн тэнд хадгалдаг байж болох юм.
-Цагаан алт. Энэ бол хоёр дахь таамаг. Цагаан алт маш ховор металл. Энэ бол Тула хотын заводтой холбоотой таамаг. Ийм туухай үйлдвэрлэж байх үед цагаан алтны агуулгатай Иридийн нөөц илрүүлж байсан гэдэг.
-Цуглуулгын зориулалтаар. Туухайн дээр 32 кг, СССР /Зөвлөлт социалист бүгд найрамдах холбоот улс/ гэсэн бичээс байдаг. Тэгээд ч нийгэм солигдож ийм бүтээгдхүүн ховордсон болохоор хуучны эд зүйл сонирхогчид хошуурч байж мэдэх.
-Чанар. Байж болох л таамаг. Тэртэй тэргүй фитнесийн төхөөрөмж үнэтэй байгаа өнөө үед энгийн атлаа чанартай ийм бүтээгдхүүнийг сонирохож байн болох. ЗХУ-ын ямар ч бүтээгдхүүн чанар стандартын хувьд зууныг элээнэ. Гэхдээ үнэ нь арай л өндөр байгаа нь энэ таамгийг няцаагаад байдаг.

Казахстаны titus.kz сайтад үүнийг интернетэд ийм туухай худалдан авах зар хэдэн зуугаараа байгаа атлаа “яагаад, юуны төлө” гэсэн асуултад хариулахгүй байна. Залуучууд биеэ чийрэгжүүлэхэд, спортод ийм дуртай болчихсон юм уу гэж асуугаад залилангийн ямар нэгэн сүлжээ байж болох юм гэж бичжээ. Энд бас нэг шинэ таамаг дэвшүүлсэн нь энэ туухай дотор маш ховор металл палладий байдаг гэсэн байна.

Оросууд ч, гүрж, казахстан ч туухайг Турк руу гаргадаг гэсэн ижил мэдээлэлтэй байна. Харин Туркууд яагаад ийм туухай тэгэх тэгэхдээ Тула хотод үйлдвэрлэсэн “СССР” гэсэн бичигтэй 32-ын туухай сонирхоод байгаа нь өнөө болтол тодорхойгүй л байна.
Хэдэн жилийн өмнө хуучин ЗХУ-ын бүрэлдхүүнпд байсан орнууд, ялангуяа Казахстанд германы үйлдвэрийн “Зингер” оёдлын машин, зөвлөлтийн “Зил” хөргөгч нэг их эрэлттэй болж үнэд хүрч байсан билээ. Тэгснээ хэсэг хугацааны дараа нам жим болоод хэн ч сонирхохоо больсон гэж энд бас бичжээ.

Эцэст нь олон нийтийн сүлжээ сайтаар гараад буй сэрэмжлүүлэгийг ийн хүргэж байна.

Анхааруулга!!!
Ийм зар олон групп дээр байна лээ. Хүмүүс хуучны СССР гэсэн тэмдэгтэй эсвэл ямар нэгэн тодорхой бичигтэйг нь их өндөр үнээр авна гэж хэлнэ. Учир нь дотор нь үнэт метал эсвэл өөр зүйлийн үнэт бодис олдож байгаа гэж хэлнэ.
Мэдээж та хуучны зүйлээ үнэтэй зарахыг эрмэлзэнэ. Харин худалдан авах хүн нь таныг Химийн ч юм уу сорьц авахуул гэж тодорхой газар зааж өгнө. Сорьц авах газар нь их өндөр үнэтэй байх бөгөөд дотроос нь юм илэрсэнгүй гэх юм байна.
Худалдан авагч маань дотроос нь юу ч илрээгүй тул авахаа больсоноо хэлнэ.
Хуурталт нь үүнд оршиж байгаа юм байна. Эд нар дотор ямар нэгэн үнэт зүйл байхгүй юм. Худалдан авагч маань сорьц авч буй газартайгаа хамтарч ажиллаж байгаа бөгөөд таны гирийг авах сонирхол ч байхгүй юм байна.
Оросын жин, хэмжих багажнуудын музейн (http://museum.vzvt.ru/starinnye-giri/russkie-giri/) мэргэжилтнүүдийн тайлбарласнаар дотор нь юу ч байхгүй болно.

Эх сурвалж: www.assa.mn