Хөөрхөн О.Дөлгөөн хэмээн олны танил болсон жүжигчин бүсгүй 25 насны төрсөн өдрөө нижгэр тэмдэглжээ. Энэ жилийн гэгээн музагаас Жульеттагийнхаа дүрээрээ анхны музагаа авч олны хайр хүндлэлийг хүлээгээд буй тэрбээр сүүлийн үед дэлгэцийн уран бүтээлд тоглох саналд дарагдаад байгаа аж.

Тайз, дэлгэцийг амжилттай хослуулж яваа түүний ард мэдээж халамжит нөхөр нь байгаа нь дамжиггүй. Хувийн бизнесээ эрхлэж, бяцхан хүүгээ хардаг М.Очироо эхнэрээ гэртээ ч харахаа болиод байгаад нэг хэсэг бухимдсан. Тэгвэл өдгөө мэргэжлийг нь ойлгож, түшиг болж яваа сайн нөхөр юм аа гэж ойр дотныхон нь магтдаг гэнэ лээ.

Жүжигчин бүсгүй хайртай дотны хүмүүсийнхээ сэтгэл шингээн бэлэглэсэн бэлгийг даахгүй лифт дүүргэж арайхийж гэртээ орсон тухайгаа цахим найзууддаа дуулгав.