Гэр бүл хамгийн эрхэм нандин. Тэр ч утгаараа гэр бүл болох гэж байгаа хүмүүс сайтар бодож төлөвлөж, үүрэг хариуцлагаа ухамсарлах шаардлагатай байна. Бодож төлөвлөөгүй, үүрэг хариуцлагаа ухамсарлаагүйн улмаас гэр бүлээс гадуурх харьцаа үүсгэж, энэ нь гэр бүл салалт, цаашлаад гэмт хэргийн шалтгаан болж байна. Гэмт хэргийн шалтгаан болсныг жишээгээр хүргэе.

Жишээ нэг: Татварын байцаагч эмэгтэйг 75 хутгалж онц хэрцгийгээр хөнөөсөн хэрэг

Татварын байцаагч бүсгүйг орцонд нв 75 хутгалж амийг насыг нь онц хэрцгийгээр хөнөөсөн хэрэг 2013 онд гарч байсан. Уг хэргийг үйлдсэн Ц.Туяад Эрүүгийн хуулийн тусгай ангийн 91.2.3, 91.2.12-тзаасны дагуу өс хонзонгийн сэдлээр, хүний амь насыг онц хэрцгийгээр хөнөөсөн гэх үндэслэлээр яллах дүгнэлт үйлдэж эмэгтэйчүүдийн чанга дэглэмтэй хорих ангид 22 жил хорих ял ногдуулж байсан. Тэр энэ хэргийг нөхөр, хүүхдийнх нь эцэг Д.Батболд. Түүнтэй дотно харьцаатай байсан бүсгүйчүүдийн нэг нь шоронд, нөгөө нь шороонд булагдсан. Д.Батболдод харгалзах ял оноох хууль зүйн үндэслэлгүй тул тэрбээр өнөөдөр эрх чөлөөтэй явж байгаа. Талийгаач Д.Батболдоос холдохын тулд гадаад явах гэж байсан. Гэвч Д.Батболд дарамталсаар байгаад болиулсан.Хэрэв Австри явчихсан бол ийм хэрэг болоогүй ч байсан юм бил үү. Хэрэг гарсан тэр орой цагдаа нар Д.Батболдыг эрэн сурвалжилж Яргайтад байрлах нэгэн амралтаас баривчилахад мөн л явалддаг гэх М гэгч бүсгүйтэй хамт байсан" гэж талийгаачийн гэр бүлийнхэн ярьж байв.
Ер нь Д.Батболд анхны эхнэртэйгээ амьдарч байхдаа алуурчин Ц.Туяатай хамтран амьдарч нэг хүүхэдтэй болсон гэнэ. Улмаар хохирогч Э-тэй янаг амрагийн холбоо тогтоож хоёр бүсгүйд адилхан Wolksvagen Taureg машин бэлэглэж байсан гэдэг.
Харин энэ хоёртой ийн явж байхдаа “Оюутолгой”-д ажилладаг М гэгч бүсгүйтэй нууц амрагийн холбоо тогтоосон байжээ.

 

Жишээ хоёр: Эцгийнх нь нууц амраг долоон настай хүүг хөнөөлгөх гэж захиалга өгсөн байж болзошгүй хэрэг

Энэ хэрэг Дорнод аймгийн Хэрлэн суманд 2016.09.06-ны өдөр болсон байна. Тодруулбал 2016.09.06-ны өдрийн 16:34 цагт иргэнээс Дорнод аймгийн Хэрлэн сумын ... тоотод оршин суух 7 настай эрэгтэй Т цахилгаанд цохиулсан байдалтай ухаангүй эмнэлэгт ирлээ гэсэн дуудлага цагдаагийн байгууллагад ирсэн байна.

Мэдээллийн дагуу цагдаагийн газрын жижүүрийн шуурхай бүрэлдэхүүн хэрэг болсон газарт очиж хойшлуулагүй ажиллагаа явуулж хэргийг илрүүлжээ. 2016.09.07-ны өдөр Т хүү эмчилгээ хийгдэж байгаад нас барсан байна. Дорнод аймгийн цагдаагийн газраас уг хэргийг шалгахад урьдчилсан байдлаар хохирогчийн эцэг Ц-тэй хувийн дотно харилцаатай 1992 онд төрсөн эмэгтэй С гэгч нь 1998 онд төрсөн Б-д захиалга өгч хөнөөлгөсөн нь мөрдөн байцаалтын явцад тогтоогджээ. Тиймээс С, Б саатуулан, хүний амь насыг санаатай хөнөөсөн гэх үндэслэлээр эрүүгийн хэрэг үүгэж шалгаж байна. Тодруулбал С, Б нарыг Эрүүгийн хуулийн 91.2.11-д зааснаар эрүүгийн хэрэг үүсгэн шалгаж байгаа юм. Энэ хэрэгт сэжигтнээр татагдаад байгаа Б нь хулгайн хэргээр 2 жилийн ялаар шийтгүүлэн, ял хойшлогдож байсан ажээ. Одоо энэ хэргийг захиалсан болон гүйцэтгэсэн этгээдүүдийг саатуулаад байгаа. Харин хүүгийн эцэг эрх чөлөөтэй байгаа. Уг нь хүүгийн эцэг энэ хэргийн шалтгаан болж, гэр бүлээс гадуур харилцааг бий болгосон.

Гэр бүлээс гадуур харилцаа тогтоосны улмаас нас тогтсон “сайн ах”-аас мөнгө салгах гэсэн охид олширсон. Энэ нь гэр бүлээс гадуур харилцаанд орсон хүнд хүлээлгэх хуулийн хариуцлага байдаггүйтэй холбоотой юм. Өөрөөр хэлбэл өнөөдөр хүчин төгөлдөр мөрдөгдөж байгаа Гэр бүлийн тухай хууль нь өнөөгийн шаардлагыг хангахгүй байдалд хүрээд байна.

 

Гэр бүлийн харилцаанд байгаагүй цоо шинэ харилцаа өнөөдөр бий болсон. Гэтэл гэр бүлийн хуулиа батлаагүй байна. Тухайлбал, Солонгосын хуульд гэр бүлээс гадуур харилцаа үүсгэсэн тохиолдолд хуулийн хариуцлага хүлээлгэх санкцтай байсан ч болиулсан.

Тэгвэл гэр бүлээс гадуур харилцаанл орсон хүнийг шийтгэхгүй бол ядаж ёс зүйн үөрчил гаргасан гээд торгодог, албадан хөдөлмөр эрхлүүлдэг, шаардлагатай бол саатуулдаг болох санал гаргаж байна. Ийм зохицуулалт хийх хүртэл хичнээн хүний амь нас эрсдэхийг таашгүй. Ядаж дээр дурьдсан зохицуулалтыг хийж өгснөөр гэр бүл цуцлалт буурах сайн талтай. Нөгөө талаас гэмт хэргийн золиос бологчдийн тоо буурах эерэг талтай.

Мөн хүн бүхэн гэрлэлт, үр хүүхэдтэй болно гэдэг нь өөрөө үүрэг хариуцлага, бас тоглож болохгүй тоглоом, гэр бүл эрхэм нандин гэдгийг ухамсарлах шаардлага байгааг анхаарна уу !!!