Сүүлийн долоон жилд гурван нам дамжсан хуульч М.Ичинноров  АН-ын дотоод сонгуульд нэр дэвшээд байгаа ажээ. Тэрээр  Иргэний хөдөлгөөний нам байгуулагдахад элссэн боловч 2010 онд намаа орхин МАН-д орж Сү.Батболд сайдын зөвлөх хүртэл хийж байсан аж.

Харин 2012 онд МАХН сонгуулиар Засгийг хамтран барих үед бас л албан тушаал горьдон очсон боловч МАХН хаяандаа ч суулгаагүй гэдэг. Гэхдээ 2015 онд АН ид мандаж байх үед АН-д элсжээ. Гэвч Ардчилагчдын  20 гаруй жилийн зоригт тэмцэл, хөлс хүч, зүтгэлээр олдсон эрх мэдэл нам дамжсан түүнд амархан эрх мэдэл албан тушаал өгөөгүй аж.  

АН-ынхан намынхаа ялагдалд сэтгэл дундуур байж, цаашдын орон нутаг, ерөнхийлөгчийн сонгууль, намынхаа шинэчлэлийн төлөө ажиллаж байх зуур тэрээр хэдийнэ АН-ын 3 фракцад зэрэг элссэн байна.

 Ардчилсан үзэл бодол, ардчиллын үнэт зүйлийнхээ төлөө амь, амьдралаа зориулж ирсэн ардчилагчид нам болгоныг дамжсан, хувийн амьдрал, байр сууриа олоогүй нэгнийг АН эгнээндээ байлгах хэзээнээс дургүй. Ардчилсан намын Үндсэн Бодлогын хороонд Баян-Өлгий аймгийн нэрийг ашиглан М.Ичинноров бүртгүүлсэн байна. Баян-Өлгий аймгийнхан нэлээд алслагдсан учраас мэдээлэлээс холхон байдаг.

Мөн тэндэхийн эмэгтэйчүүд улс төр нийгэмийн асуудлыг тунгаан, эдний хэрүүлийг сонирхохоос илүүтэй гэр бүлдээ цаг заваа зарцуулдаг. Тиймээс мэдээллээс хол өөрийг нь мэдэхгүй хүмүүст таалагдаж, албан тушаалд очихоор ийн зүтгэж байгаа бололтой байна. 

Г.Нар

zaluu.mn