УИХ-ын чуулганы хуралдаанаар Эрүүл мэндийн тухай болон Эрүүл мэндийн даатгалын тухай хуулиудад нэмэлт, өөрчлөлт оруулах тухай хуулийн төслийн үзэл баримтлалыг хэлэлцэх эсэхийг өнгөрсөн долоо хоногт хэлэлцэв.

Энэ үеэр УИХ-ын гишүүн Ц.Даваасүрэн  нэгэн ноцтой мэдээлэл хийсэн.  Монголчуудын араас нь шуурч , төсөл хөтөлбөрийг нь булаацалдан барин хэрэгжүүлж буй  элэгний вирусын эсрэг эмийг АНУ-д хориглосон гэв.   Гишүүний зүгээс  АНУ-аас орж ирж байгаа элэгний  вирусын эсрэг гэгдэх эмэнд эргэлзэж  байгаагаа хэллээ. Тэрээр “ АНУ-аас орж ирж байгаа энэ элэгний эмийг тус улсдаа хүн дээр туршаагүй юм билээ. Хорьчихсон. Гэтэл Монголд хүн дээр туршиж байна. Хэдэн нөхөр л шоудаад л Монгол хүн дээр дээрх эмийг туршаад яваад байдаг. Төр гэж байгаа бол үүн дээр анхаарал хандуулах хэрэгтэй” гэдгийг хэлж байв.  Монголчууд элэгний өвчлөлөөрөө дээгүүр байдаг.  Хэрэв энэ  үнэн бол монголчууд мөнгөө төлж, эмийн туршилтад орж байгаа бололтой.

Эх сурвалж:www.polit.mn