УИХ-ын гишүүн асан Д.Гантулгад холбогдох хэргийн шүүх хурал Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд өнөөдөр болсон ч шүүгдэгчийн өмгөөлөгч байхгүй шалтгаанаар дахин хойшилжээ.

Өмнөх товлогдсон шүүх хурлыг хохирогч Ч.Наранзаяа эрүүл мэндийн шалтгаанаар хурлыг хойшлуулах хүсэлт гаргаж, шүүх бүрэлдэхүүн хүсэлтийг хүлээн авсанаар хурлыг өнөөдөр болтол хойшлуулаад байсан юм. 

Өнөөдрийн хуралд шүүгчээр Б.Ариунхишиг, улсын яллагчаар Н.Амарсанаа, шүүгдэгч, хохирогчдын өмгөөлөгчөөр Г.Батбаяр, Н.Отгонбаяр, Б.Бат-Ерөөлт, Э.Хишигчулуун нар оролцох ёстой байсан ч шүүгдэгч Д.Гантулгын өмгөөлөгч Н.Отгонбаяр хүндэтгэн үзэх шалтгаангүйгээр ирээгүй аж. Тиймээс шүүгдэгч Гантулгыг өмгөөлүүлэх эрхээр хангаж, мөн өмгөөлөгч Н.Отгонбаярын гаргасан хүсэлтийг шүүх хүлээн авсан шүүх хурлыг есдүгээр сарын 12-ний өдрийн 13,30 цаг хүртэл хойшлуулсан байна.