Толгойтын авто замыг Ард Аюушийн өргөн чөлөөтэй буюу Гэмтлийн эмнэлгийг Содон хороололтой холбох зургаан эгнээ 3.9 км авто замын бүтээн байгуулалтын ажил үргэлжилж буй.

Бүтээн байгуулалтын явцад Содон хорооллын арын хэсэг зам засварын трасст орж, зорчих хэсгийн хойд зүгт гардаг орц, гарц хаагдаж, зорчих хөдөлгөөн хязгаарлагджээ.

Үүний улмаас тус хорооллын оршин суугчид болоод тус хороололд үйл ажиллагаа явуулж буй аж ахуйн нэгж байгууллага руу хүргэлт хийж байгаа түгээлтийн автомашин зорчиход хүндрэлтэй нөхцөл үүсжээ. 

Авто замын гүйцэтгэгч компани болох “Монгол Зам” ХХК-ийн зүгээс 14 авто машины зогсоолыг Содон хорооллын оршин суугчидтай зөвшилцөж, зогсоолын талбайг чөлөөлбөл түр орц гарц нээх боломжтойг мэдэгдсэн байна.