Нийслэлийн Боловсролын газрын даргын тушаалаар 2016-2017 оны хичээлийн жилийн сургууль, цэцэрлэгийн бүртгэлийг энэ сарын 22-ноос 26-ны өдрүүдэд явуулахаар болсон.

Тухайлбал, ирэх долоо хоногийн даваа гаригаас эхлэн хүүхдүүдийг бүртгэхээр албан ёсоор тогтсон боловч, эцэг эхчүүд өнгөрөгч амралтын өдрөөс эхлэн цэцэрлэгүүдийн гадна дугаарлаж эхэлжээ. Эцэг эхчүүдийн ярьж буйгаар хүүхдэээ сургууль, цэцэрлэгт хамруулах гэж жил бүр албан ёсны бүртгэл эхлэхээс өмнө дугаарлаж зогсдог байна. Албаны эх сурвалжийн мэдээгээр цэцэрлэгээс албан ёсны номер дугаар тарааж, наймдугаар сарын 22-нд тэдгээр номеруудаас сугалаа маягаар сонгохоор төлөвлөж байгаа ажээ.