Шанхай хотын зургаан дүүргийн түүхэн дурсгалтай барилга нь хятад, англи хэл дээр мэдээлэл өгдөг QR кодтой болжээ. Одоогийн байдлаар 1298 байгууламжийг коджуулсан бөгөөд энэ тоог 1535 болж нэмэх аж.
Жуулчид түүхэн холбогдолтой барилга байгууламжийн кодыг ухаалаг утасны тусламжтай уншуулснаар тус байгууламжийн тухай текстийг унших, аудио сонсох, видео үзэх, эсвэл виртуал буюу хийсвэр төсөөллийн байдлаар гар утсаараа аялах боломжтой. Өнгөрсөн жил тус хотод 434 барилга QR кодтой байжээ. Энэхүү байгууламжийн жагсаалтад Мао Зэдуны амьдарч байсан байр, аж үйлдвэрийн магнит Рон Зунжин, зохиолч Ба Жин, Нормандын орон сууц, Шанхай номын сан, Цагаан морины кафе багтжээ.
Ирэх оны эхний хагас гэхэд Шанхайн зургаан дүүргийн түүхэн 2180 барилгыг QR коджуулахаар төлөвлөсөн гэж тус хотын захиргааны газраас мэдээллээ.

Нийтдээ дүүргийн хэмжээнд 1032 түүхэн барилга олон нийтэд нээгдсэн нь өнгөрсөн оныхоос 10 дахин их үзүүлэлт юм. Түүнчлэн энэ оны эхний хагаст нийтдээ 7.65 сая удаа код ашиглан эдгээр газруудаар зочилсон байна. QR код нь барилга байгууламжийн түүх, түүхийг судлах боломжийг хүмүүст олгодог бөгөөд жуулчид ч ихээхэн хэрэгтэй зүйл гэж хотын удирдлагууд ярьжээ.

Эх сурвалж：http://mn.cctv.com